Skip to main content

Nuummi benzina aniasoq annertooq

Finlandimiut uuliamik assartuutaannit benzina 13.000 literi aniasoq qatserisartut milluarniarlugu ilungersuutigaat.

Marlunngormat unnulluarnerani Nuup talittarfiani Polaroilip uuliamik toqqorsivianut politiit qatserisartullu orniguttariaqarsimapput.

Benzina aniasoq tankeqarfiup saputaanut betoniusumut kuuppoq, Nuummi politiini pigaartoq Erik Rasmussen oqarpoq.

Siullermik oqaatigineqarpoq benzina 6.000 literi aniasoq, qatserisartulli benzina 13.000 literi piiarpaat, qatserisartut pisortaat Knud Petersen oqaluttuarpoq, marlunngornerup unnukkuani unnuaqeqqariartortoq aniasoqarneranik nalunaarfigineqartoq.

Qatserisartut pisortaat nalunaarpoq, qatserisartut 16- 18-it unnuap ingerlanerani Finlandimiut umiarsuaaniit 'MT Purhamiit' Polaroilimut pilersuisussamiit aniasoq piiarpaat.

Suna peqqutigalugu aniasoqarnersoq suli paasineqanngilaq, kisianni ilimagineqarpoq kukkuluttornermik peqquteqartoq, taamaalilluni benzina tankeqarfiup saputaanut betoniusumut aninalerluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER