Skip to main content

Meeqqat isumaginninnikkut naviartorsiortut annertuumik ajornartorsiorput.

Danmarkimi meeqqat isumaginninnermut attaveqartut tallimaagaangata ataaseq minnerpaamik ataaseriarluni tarnikkut nappaateqartutut nalilerneqartarpoq. Meeqqat angajoqqaaminnit arsaarinnissutigineqarsimasut aamma inuuniarnerminnut tunngatillugu ajornartorsiuteqartarput, SFI-miit nalunaarusiap takutippaa.

Tarnikkut ajornartorsiuteqarneq nalinginnaasorujussuuvoq, Danmarkimi meeqqat isumaginninnermut attaveqartartut akornanni. Meeqqat tallimaagaangata ataaseq minnerpaamik ataatseriarluni tarnikkut naappaateqartutut nalilerneqartarpoq. Tamanna SFI-mi (Danmark Nationale Forskningscenter for Velfærd(/Danmarkip naalagaaffiani atugarissaarnermut ilisimatuarfik, aaqq.) nalunaarusiap 1995-imi ingunngorsimasunik tamanik misissuereerluni takutippaa.

Meeqqat 20 procentii, angerlarsimaffiup avataanut inissinneqarsimasut angerlarsimasullu, isumagininnikkut ikiorserneqartartut, tarnimikkut napaateqalersimasutut nalilerneqartarput. Taassuma saniatigut meeqqat affangajai inuuniarnermikkut ajornartorsiuteqarput.

Mette Lausten, suliniummi ilisimatuut ilaat, isumaqarpoq, immaqa meeqqat tarnimikkut nappaatillit amerlanerusinnaasut, angerlarsimaffiup avataani inissinneqarsimasut takunngittoornerajuttarmata.

- Ilimagisariaqarpoq, angerlarsimaffiup avataanut inissinneqartorpassuit tarnimikkut nappaateqalernissamik ilamanaateqarluartartut ikiorserneqartariaqartumik, Mette Lausten oqarpoq.

Innersuussutigaa, inuit meeqqanik angerlarsimaffiup avataanut inissinneqarsimasunik suliallit, ajornartorsiutinik pinaveersaartitsinissaminnut tapersersorneqarnerusariaqartut.

- Meeqqat tarnimikkut nappaataat misissuinermi oqaatigineqartutut annerutigippata, taava tamaattunik suliaqartut piginnaanngorsarsimanerusariaqarput, Mette Lausten oqarpoq.

Ingammik nukappiaqqat tarnimikkut ajornartorsiuteqalersarput, taakkumi niviarsiaqqaniit ileqqulersuutimikkut ilungersunarnerusarput. Tamannali ima isumaqanngilaq, niviarsiaqqat peqqinnerusut.

- Nukappiaqqat iikkakkut qummukartut iliuuseqarfigissallugit ajornannginnerujussuuvoq, niviarsiaqqaniit issiallutik sapangaaqqanik nuisisuninngaanniit, tamarmimmi tarnimikkut ajornartorsiuteqarput, Mette Lausten oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER