Juullerpalaariat aalakkuttut
Inuit Kalaallit Nunaannut juullimi pilluaqqusinerat nuanninngitsumik kinguneqarpoq.
Kalaallit Danmarkimi najugallit kattuffiat 'Inuit' arfininngormat unnukkut DGI-husimi Vejlemiittumi Kalaallit Nunaannut juulli pilluaqqusimmat inuppassuit nereqatigiinnissamut peqataajartorsimapput.
Politiit pisimasunut taakkununnga marlunnut aggertariaqarsimapput peqataasut aalakoortut isumagiartorlugit, Vejle Amts Folkeblad allappoq.
Angut Bogensemeersoq 52-inik ukiulik, juullimi pilluaqqusinermut peqataasimasoq imigassartorpallaarsimasoq ileqqorissaarnissamut malittarisassanik unioqqutitsisimasutut unnerluutigineqarpoq.
Nalunaaqutaq 2.51 Dæmingenimi pisoqalerpoq, paqqittoqalersimammat. Tassanilu aamma angut 21-nik ukiulik, Kalaallit Nunaanni najugalik DGI-husimilu peqataasimasoq, ileqqorissaarnissamut malittarisassanik unioqqutitsisimasutut unnerluutigineqarpoq.