Skip to main content

Nakorsanngorniat DIH-mut

Århus Universitetip, Dronning Ingridip Napparsimmavissuata kalaallillu nakorsanngorniat peqatigiiffiata suleqatigiinnerisigut kalaallit nakorsanngorniat DIH-mi praktikkersinnaalerput.

Kalaallit nakorsanngorniartut marluk februarimi Dronning Ingridip Napparsimmavissuani praktikkissapput. Tassa ´Nakorsanngorniat´, kalaallit Århusimi nakorsanngorniat peqatigiiffiata, Århus Universitetip aamma Dronning Ingridip Napparsimmavissuata suleqatigiinnerisa toqqaannartumik kinguneqaataat.

Århus Universitetimi nakorsanngorniat semesterit 8-anni praktikkernertik, aamma nakorsiartarfimmiinnermik taaneqartartoq, Dronning Ingridip Napparsimmavissuani ingerlassinnaalerpaat.

- DIH-mi nakorsiartarfimmiinnikkut kalaallit nakorsanngorniat nunatsinnilu peqqinnissaqarfiup akornanni attaveqarneq siuarsarneqassaaq, tamatumuunakkullu kalaallit nakorsanngorniat siunissami Kalaallit Nunaanni nakorsatut sulinissaminnut piareersimalluarnerulissapput, nakorsanngorniat peqatigiiffianni siulittaasoq Paneeraq Noahsen allappoq.

Praktikkerneq sapaatit akunnerinik 16-inik sivisussuseqartassaaq, immikkoortoqarfinni arlalinni agguataarlugu, taanna paasissutissiivoq.

´Nakorsanngorniat´ ataatsimeersuaqqammerpoq, tassanilu makkua siulersuisunut ilaasortanngorput:

Siulittaasoq: Paneeraq Noahsen, siulittaasup tullia Heidi Egede Pedersen, aningaaserisoq Naasunnguaq F. Møller siulersluisunilu ilaasortaq Ivalu S. Frederiksen.

Nakorsanngorniat 2007-imi maajimi pilersinneqarpoq siunertaralugu kalaallit nakorsanngorniat katerisimaartarnissaat aammalu kalaallit nakorsanngorniat nunatsinnilu peqqinnissaqarfiup akornanni attaveqarnerup siuarsarnissaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER