Naleqqussaaleruttorpoq
2010-p ingerlanerani Kommuneqarfik Sermersuumi sammisaqarfiit arlallit naleqquttunngorsarneqassapput.
Tamanna takuneqarsinnaavoq naleqquttunngorsaanermut pilersaarutini, marlunngormat decembarip 8-anni kommunalbestyrelsimut saqqummiunneqartuni, sermersooq.gl allappoq.
Assersuutigalugu kulturi sunngiffimmilu sammisassaqartitsineq naleqquttunngorsarneqassapput timersornermut, kulturikkut ingerlatanut aammalu innuttaasut illuinut, katersortarfinnut katersugaasivinnullu tapiissuteqarnermut aaqqissuussinernut atatillugu.
2010-mi ukiakkut sunngiffimmi inersimasunillu atuartitsinermi neqeroorutit naleqquttunngorsarneqassapput.
Kommuneqarfol Sermersuup aamma ilinniartitsisoqarneq naleqquttunngorsarniarsariniarpaa aappaagulu ukioq atuarfiusoq aallartippat sulisunik ilinniagaqarsimasunik akuttunngitsumik sulisussarsiortassalluni.
Attaveqarneq tamarmi, ataatsimuussutsimik misigissutsimut tunngaviusussaq, ukiup ingerlanerani aamma ataavartumik nutarterneqassaaq, assersuutigalugu allagarsiivinnik elektroniskiusunik, infoboards-inik misileraatitut ikkussuisoqassaaq.