Skip to main content

Nuup qeqqani 2011-mi inissialiortoqalissaaq

Tuujummi blokkinut 1960-ikkunneersunut Blok P-mullu taartissanik sanaartorneq 2011-mi aallartissinnaavoq. Borgmester Asii Chemnitz Narupip kommunalbestyrelsi paasissutisseqqammerpaa inissianik taartissanik iluarsartuussinerup sanaartornerullu ingerlanissaanut piffissamik.

Inissiat 475-t isaterneqassapput, Kommuneqarfik Sermersooq nittartakkamini allappoq.

Iluarsartuussinissaq suleqatigiinnissamik isumaqatigiissutip ilagaa, kommunip qanittukkut ineqarnermut naalakkersuisoqarfimmik atsioqatigiiffisassaa.

Namminersorlutik Oqartussat kommunillu tamakkiisumik pilersaarummut, iluarsartuussinissamut inissianillu nutaanik sanaartornissamut tunngavisiilussamut, aningaasartuutit avissavaat.

Tamakkiisumik pilersaarut tegnstuen tnt nuuk-p pilersaarusiussavaa Kommuneqarfik Sermersuumi illoqarfimmut pilersaarusiornermut immikkoortoqarfik ataanilu siunnersorti, tassaassasoq norskit illoqarfimmut pilersaarusiornermut ingerlatsiviat Dahl og Uhre, Tromsø-meersoq, qanimut suleqatigalugit.

Ingerlatsivik taanna issittup silaani illoqarfimmik ineriartortitsinermik sananeqaataanillu iternga tikillugu ilisimasaqarpoq. Ingerlatsivik 2008-mi nunani tamalaani illoqarfinnik ineriartortisinermik unammisitsinerni marlunni ajugaanikuuvoq.

Kommuneqarfik Sermersuup Namminersorlutillu Oqartussat neriuutigalugulu naatsorsuutigaat Tuujuk Blok P-llu inikua inissianit isaterneqartunit 475-init amerlanerusunik sanaartorfiusinnaassasut.

//-->
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER