Juullip inua aamma aallartitsissummik illuinnarsuuteqarpoq
Danmarkimi juullip inui decemberip 13-ianni Kalundborgimi sukkaneqqusaatissapput juullillu inua nunatsinneersoq juullip inuisa ileqquusumik arlaliunnerannik aallarttitsisuussaaq.
Juullip inua decemberip 13-ianni Kalundborgimi aqqusinikkut qimusserluni tikiutissaaq. Juullip inuisa arlaliunnissaanik aallartitsisuujartorluni tikeraassagaki, kulturplakaten.dk taama allappoq.
Juullip inuisa arpaliuttarnerat ukiuni 15-ini ingerlanneqartarsimavoq tusagassiorfinnillu nunanit tamaneersunit malinnaaffigineqartarluni siornalu inunnit 18 milliuuninit tv-kut isiginnaarneqarsimalluni. Juullip inuisa araliunnissaat aappaassaannik Kalundborgimi ingerlanneqassaaq.
– Juullip inuisa 2009-mi suli amerlanerunissaat ilimagaarput, juullillu inuinik 400-nik arpaliuteqataajumasunik nalunaartoqareernikuuvoq, misislittakkalli tunngavigalugit nalunngilarput juullip inuisa ilarpassui ulloq taanna aatsaat aggerlutik nalunaartartut, Kalundborgimi takornariaqarnermut pisortaq Bené Bengtsson oqarpoq.
– Kikkulluunniit 'nissimmaajorusuttartut' tamarmik maani peqataakutsoorsinnaapput, oqarpoq.
Juullip inuia nunatsinneersut arpaliunnermik aallartitsisuullunilu ajugaasup akissarsiassaanik tunniussisuussaaq kingornalu nunatsinnut uteqqipallassinnarluni juullimut piareersaassalluni.