Skip to main content

Angallannermut kommissioni sulilerpoq

Kommissioni sisamanngormat ataatsimeeqqaarpoq, ulapipporlu. Qaammatit arfineq-marluk qaangiuppata inassuteqaatit piareersimassapput.

Angallannermut kommissionimut marlunnik piumaffigineqarpoq: Piffissaq sukangasooq namminerlu napatittumik aningaasarsiornissamik Namminersorlutik Oqartussat kissaataat. Tamatuma saniatigut angallannermut kommissionip annertuumik nammineq aalajangersinnaavaa Kalaallit Nunaannut siunissami assartuinerup angallannerullu qanoq aaqqissuussaanissaanik qanoq inassuteqarusunnerluni.

Taamatut oqarput angallannermut naalakkersuisoq Jens B. Frederiksen, D, kommissionillu siulittaasua Christen Sørensen, sisamanngormat kommissionip siullermeerluni ataatsimiinnerata kingorna tusagassiortunik katersortitsigamik.

– Nalunngilarput tamanna innuttaasunut apeqqutaasoq pingaarutilik misigissuseqarnartorlu, taamaattumik piffissamut sivisuumut atasinnaasumillu aaqqissuussinermik pimoorussilluta nassaarniassaagut, Christen Sørensen tusagassiortunik katersortitsinermi neriorsuivoq.

Kommissionip ilaatigut qulaajassavai angallannerup aaqqissuussaaneranut suliniutit avataanit aningaasalerneqarnissaannik periarfissat.

Tamatuma saniatigut Christen Sørensenip oqaatigaa juulip naanerani inassuteqaatit tunniunneqarnissaasa tungaanut innuttaasunut ammasumik ingerlatsineqassasoq tusarniaasarnertalinnik.

Februaarip aallartinnerani kommissionip takorluuinermut pappiaqqanik taaneqartut piareersimassavai, naatsorsuutigineqarporlu maajimi takorluukkat periusissallu saqqummiunneqassasut.

Innuttaasut kommissionip sulinera malinnaaffigisinnaavaat quppernerni nittartakkami www.transportkommission.gl.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER