Ilulissani nualluupput
Ilulissani Atuarfik Mathias Storchimi atuartut 75 procentii napparsimapput nuallunneq pissutigalugu.
Annonse
Nualluut, qanittukkut Sisimiuni innuttaasut ilarpassuinik eqquisoq, maanna Ilulissani atugaalerpoq. Illoqarfimmi atuarfiit annersaanni Atuarfik Mathias Storchimi pingaartumik atuartut sakkortuumik eqqorneqarput.
– 400-t sinnerlugit atuartuuteqarpugut. Ullumikkut 260-t missaanniittut napparsimapput, atuarfiup inspektøria Jørn Nyttryp Sermitsiaq.gl-imut oqaluttuarpoq.
– Aatsaat sapaatip akunnerani uani taamak amerlatigisunik napparsimasoqarpugut, ilinniartitsisunillu 60-it 19-t aamma napparsimapput, taanna oqarpoq.
Klassit ilaat sakkortuumik eqqorneqarput, atuartut atuariartortut pingasuinnaasinnaallutik.
– Klassit ilaat kattuppavut atuartut ikeqimmata, allaanerusumillu atuartinneqarput suliassanik nuannersunik, Jørn Nyttrup oqaluttuarpoq.