Skip to main content

Inatsisilerituut kattuffiliorput

Nunatsinni inatsisilerituut suliffeqarfinnit arfineq pingasuusunit, arfineq marluk kattuffiuliorput siullerpaamik pilersitsillutik.

Kattuffik nutaaq taaguuteqarpoq Nunatsinni Advokatit - Grønlandske Advokater nunattalu inatsisilerituut suliffeqarfinnit arfineq pingasuusunit arfineq marluk peqataapput, taakkunani inatsisileritut aamma advokatfulllldmægtigit 16-it sulipput katillugit 21-usunit.

Peqatigiiffik decembarip qulingani pilersinneqarpoq taamaallaallu advokatfirmaet Malling og Hansen Damm peqatigiiffimmut ilaasortaanngilaq.

Advokat Peter Schriver, Nuna Advokater, for Nunatsinni Advokatit - Grønlandske advokater siulittaasuattut qinigaavoq.

Peqatigiiffiup siunertaraa inatsisilerituut isigineqarnerat pitsanngorsarnissaa, pikkorinnerulernissaat, suliffeqarfinnik soqutigininneq annertusarniarlugu aamma suleqatigiinneq pitsaanerlersinniarlugu peqatigiiffiup siunertatut paragrafiani allassimavoq.

Ingammik eqqartuussiveqarnerup nutarterneqarnerata annertuup, 1. januaari 2010 atuutilertussap pisariaqartippaa inatsisileritut peqatigiiffeqarnissaat, taakku kiffartuusisassapput kiisalu inatsisissanut nutaanut tusarniaanermi akissuteqartassallutik, taakku ingerlaavartumik siunnersuutigineqartalertussaammata, Peter Schricer oqarpoq.

Peqatigiiffimmit piumasaqaatigineqarpoq inatsisilerituut aamma advokatfuldmægtigit pinngitsoornatik ilinniaqqittarnissaannik. Taamaattumik peqatigiiffik inatsisinut tunngasunik pikkorissartitsisarniarpoq, taakkunanilu allat aammattaaq peqataasarsinnaapput. Taamaattoqartassaaq qulakkeerniarlugu inatsisartut innuttaasunik aamma suliffeqarfinnik pitsaanerpaamik siunnersuisarnissaat anguniarlugu.

Siulleq Nuummi ingerlanneqaqqammerpoq.

Qaammammi matumani aammattaaq nunatsinni illersuisartut peqatigiiffiliorput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER