Timmisartut kinguaattooqqipput

Silarlunnera timmisartunik suli kinguaattoortitseqattaarpoq.Det dårlige vejr giver fortsat forsinkelser i flytrafikken.

Marlunngornermi Norsaq nal. 15.20 Kangerlussuarmut tikissaaq. Ass.: Karsten Bidstrup

– Nuummiit Nuummullu aammalu Maniitsumiit Maniitsumullu timmisartuussinerit tamarmik ullumi taamaatiinnartariaqarput mittarfiit napillugit anorlerpallaarnera pissutigalugu tamannalu peqatigalugu mittarfiit quasaqimmata, Air Greenland nalunaaruteqarpoq.

Danmarkimut timmisartorsuaq Norsaq kinguaattooqqippoq, ataasinngormat Keflavikimut miinnartariaqarnermi kingorna. Norsaq, pilersaarutit malillugit nal. 13 Kangerlussuarmut mittussaagaluartoq aatsaat nal. 15.20 tikissaaq.

– Airbus 330, Air Greenlndip Atlantikoq qulaallugu nalinginnaasumik timmisartuussinissamut attartorsimasaa, Kangerlussuarmut mereerpoq Københavnimullu utissalluni ilaasunik, Avannaani ippassaq ullumilu Kangerlussuarmut timmisartuunneqarsinnaasimasunik ilaasoqarluni, Air Greenland nalunaarpoq.

Aamma pingasunngorpat Kangerlussuup Danmarkillu akornanni immikkut timmisartuussisoqassaaq.

– Avannaani Kalaallit Nunaata sinneranit silaginnerulaarpoq, tamaanilu Dash-7-imik pilersaarutit malilugit timmisartuussisoqarpoq. Akerlianik helikopteri Ilulissanit aallarnaveeqqavoq, silarlunneralu pissutigalugu Qaarsunukarsinnaanani Qaarsunit Uummannamut ilaasunik timmisartuussiartorluni. Aqagumut Avannaanut silassami anorlingaatsiarluni silarlunnissaa ilimasaarutigineqarpoq, taamaattumillu ullumi avannaani sapinngisamik amerlanerpaanik timmisartuussisoqassaaq, Air Greenland nalunaarpoq.

Powered by Labrador CMS