Nunatsinni TV-qarfik nutaaq
Nunatsinni TV-qarfiit nutaartaat nettekkut aallakaatitsisartoq IceCool Pictures-imik ateqarpoq.
Annonse
– Broadcast-stationimik nettekkoortumik aallartitsinikuuvugut. Nunani tamani TV broadcast-station-iusumik, Isak Kleist, www.icecoolpix.com-imik aallartitsisimasq oqarpoq.
Kunuk Platou aapparalugu TV-qarfiliartik sapaammi decemberip 13-ianni aallartissimavaat, aallakaatitarlu siulleq ulloq taanna aallakaatissimallugu. Ammaanersiornerminni Kunngissap Frederiup silap pissusai pillugit ataatsimeersuarnermut atatillugu Nordatlantens Bryggemi saqqummersitsinermik ammaanera oqaluttuaraat.
TV-qarfik siunissami Kalaallit Nunaannut attuumassutilinnik oqaluttuartassaaq. Siullermik qallunaatut kalaallisullu, kingusinnerusukkulli aamma tuluttut.
Sermitsiaq nr. 51 atuaruk...