Skip to main content

Italia Kalaallit Nunaanniit issinneruvoq

Akullersuaq tikillugu issinnerulermat nunatsinni sila neruminnerulerpq.

Unnuaq Verona Nuummiit issinneruvoq, politiken.dk allappoq.

Akullersuaq tikillugu issinnerulermat Kalaallit Nunaani sila neruminnerulerpoq.

– Unuaq Italiami ississimavoq, Spaniami aamma ississimavoq. Kiak Tyrkiamut, Israelimut Afrikallu avannaanut illuarsimavoq. Nuummili Kalaallit Nunaanniittumi pingasuinnarnik ississimavoq. Tamanna qaqutigoorluinnartuuvoq, DMI silasiortoq pgaartuusoq Michael Skelbæk oqarpoq.

Michael Skelbækip Rusland Sibiriamisut issittorsuunerarpaa, Europalli avannaa, kangia qeqqalu aamma issinnerarlugit.

Nutaarsiassaleriffiup AO-ip Polenimi inuit 29-it issimik toqusimanerarpai..

Unnuaru Veronami Italiap avannaanniittumi minus 10 gradinik ississaaq, Nuummili Kalaallit Nunaanniittumi unnuaq 7 - 8 gradiinnarnik ississalluni, DMI ilimasaarivoq.

DMIp ilimasaarutai malillugit Danmark 1900-imiilli aatsaat arfineq pingajussaannik juullimi aputeqarumaarpoq.

USAp kangiatungaa aamma apisorsuuvoq, CNN-illu apersuartorsuunerarpaa, sapaatillu akunnerata naanerani inuit ikinnerpaamik sisamat toqusimapput.

Persernera 1922-imi USA-mi perserluni anorersuarmut Knickerbocker-imik taaneqartartumut assersuuneqarpoq.

Philadelphia sapaatip akunnerata naanerani apisorsuusimavoq aatsaat taama apitigaluni 59 centimeterinik portussusilimmik apisimalluni, New Yorkimili apinerujussua aamma aqqusinertigut angallannermut ajoqutaasorujussuusimavoq.

Washington aatsaat taama apitigaluni ullup ataatsip ingerlanerinnaani 46 centimeterinik itissusilimmik apisimavoq - rekortitoqqap marloriaatingajaanik.

.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER