Skip to main content

Ukiuni qulini uuliamik qillerineq siulleq

Cairn Energy 2010-ip ingerlanerani Disko-Nuussuup avataanni immami ataasiarluni arlaleriarluniluunniit uuliamik ujaasilluni qillerissamaarpoq

Naalakkersuisut akuersinissaat apeqqutaatillugu Cairn Energy 2010-ip ingerlanerani Disko-Nuussuup avataanni immami ataasiarluni arlaleriarluniluunniit qillerinissamik pilersaaruteqarpoq.

Taamatut qillerinissamut piareersaatitut piosrtat ukiuni arlalinni avatangiisinik misissuisarsimapput, nalilersuisarlutik malittarisassiorsimallutillu. Avatangiisinik misissuinerit Danmarks Miljø-undersøgelser (DMU) Kalaallit Nunaannilu Pinngortitaleriffik suleqatigalugit ingerlanneqarsimapput.

– Kalaallit Nunaata avataani uuliamik ujaasilluni qillerinissat ukiuni arlalinni pilersaarusiornerup pisortallu assigiinngitsut piareersarsimanerisa kingunerisaattut ingerlanneqassapput.

– Uuliaqarfimmik qalluiffigineqarsinnaasumik Kalaallit Nunaata avataani nassaartoqassagaluarpat tamanna Kalaallit Nunaata aningaasatigut imminut napatissinnaalernissaanut alloriarnerujussuussaaq. Avatangiisilli, isumaannaallisaanerp peqqinnissallu tungaat Naalakkersuisut pingaartilluinnarmatigit pisortat malinnaatinneqarlutillu nalunaarusiorfigineqartassapput, Aatsitassanut naalakkersuisoq Ove Karl Berthelsen oqarpoq.

Cairn Energy Disko Vestimi misissuiffissanik marlunnik pissarsigamili 2008-imili nunap sananeqaatai pillugit paasissutissanik katersueqqissaalersimavoq. Cairn Energylu aamma siornali sumiiffimmi avatangiisinik, sikuuasarneranik il.il. misissueqqissaarsimavoq qilleriernissaminut piareersarluni.

Akuersissummilli pereerunik aatsaat misissuillutik qillerilersinnaapput, Naalakkersuisut nalunaarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER