kanukoka.gl-imik nutaamik aaqqissuussisoqarpoq

KANUKOKA nittartagartik iluarsaakkunnaarlugu www.kanukoka.gl-imik nutaamik ukiumi nutaami atulersussamik aaqqissuussivoq..

Nittartagassamik nutaamik aaqqissuussisoqarnerani oqalittarfiit nittartakkamiittut assigiinngitsut nutaap ammarnissaata tungaanut matoqqagallassapput.

– KANUKOKAp nittartagatoqaata tunngavigisaa pisoqalisimagami iluarsaakkuminaallisimavoq. Tamaattumik webbureau DOT GL suleqatigalugu nutaamik ullutsinnut naleqquttumik pitsaanerusumillu aaqqissuussisoqarpoq, KANUKOKA tusagassiorfitsigut ilisimatitsivoq.

Nittartagaq nutaamik isikkoqassaaq, ilusitoqaali kanukokap 2002-imi »Bedst på nettet«-imik nersornaatitissutigisimasaa attatiinnarniarneqassaaq.

Taanna kommuninut tamanut atuuttut pisariitsumik paasissutissartaqarluartumillu aaqqissuussaanini pissutigalugu nersornaaserneqarsimavoq, pingaartumik kommunini sulisunut kommuninilu politikerinut atoruminartuugami.

– KIngusinnerusukkut aamma malugaarput nittartagaq namminersorlutik oqartussaqarfimmi sulisunit inuiaqatigiinnilu allanit, ilaatigut ilinniagaqartunit paasissutissarsiorfigineqarluartartoq , KANUKOKA allappoq.

KANUKOKA neriuppoq nittartakkamik iluarsaassiqarnera naammagalugu atorneqarumaartoq.

Powered by Labrador CMS