Uumasut 20.000-it orpiæissanni naujgaqaput
Uumasut naasutortartut,,sullerngit, aasiaat uumasuaqqallu allat orpilissani najugaqartarput.
Orpiliaq ilaqutariittut nuannisaaqatigiilluni unnussioqatigiinnermut ilisarnaataagajuttarpoq.
Ikittuinnaalli eqqarsaatigisarpaat sullinerpassuit aasiappassuillu orpilissani najugaqartarmata. Ilami orpilissamik eqqussigaangavit uumasuararpassuit 20.000-it tikillugit amerlassusillit tassani najugaqartarput.
Norgemi atuisartunut nittartagaq dinside.no taama allappoq.
Uumasuaqqalli tamakku illumut, nerisassanut, inunnut - orpimmulluunniit - ajoqutaasanngillat, naamerluinnaq. Sullerngit orpiup ameraasaani toqqorsimaffitik qimassagaluarunikkit qularnanngilluinnartumik illiup iluata silaannaani panertumi toqussagaluarput.
Orpilissani 'najugallit' amerlanerpaartaat mikingaaramik allisitsiuserluni aatsaat takuneqarsinnaasarput, soqutiginnittulli orpiliaq qaqortumik allequtserlugu issuttuussinnaavaat, uumasuaqqallu ilarpassui nakkaassapput.
Orpiilli aamma assigiinngitsuupput. Illit nammineerlutit orpiliassannik orpippassuarnut aalleraluaruit uumasuaqqat orpimmiittut pisiassaniittuninngaanniit amerlanerujussuussagaluarput.