Skip to main content

Døgnimut immikkut timmisartuussinerit 35-t sinnillit

Sapaatip akunnerani kingullerni Kalaallit Nunaata annersaani ulluni marlunni silarlorujussuareersorlu Air Greenland sukataavilluni ilaasussat juullimullu nassiussat tamaasa apuukkumallugit døgnip ataatsip ingerlanerinnaani 35-t sinnerlugit immikkut ittumik timmisartuussivoq.

Sapaatip akunnerani kingullerni ulluni marlunni nunatta annersaani silarlorujussuarmat juulliliartussat nassiussallu, allakkat poortukkallu anngutissangatinnarunnaaleraluarput.

Air Greenlandilli juulliliartussat nassoussiussallu tamaasa sukataavilluni anngunniarsarai, pingasunngornerlu decembarip 16-iat timmisartuutileqatigiiffiup oqaluttuarisaanerani timmisartuussissqattaarfiit annersaraat.

Nunatta qeqqani 35-t sinnerlugit immikkut ittumik timmisartuussisoqarpoq, døgni sinnerlugu ingerlaartoqartuaannangajalluni - ullaakkut nalunaaqutaq 6.45 Nuummiit Kulusuliartoq aallarniutigisinnarlugu naggataatigut Aasianniit Nuuliartoq unnuakkut ataatsimut tikilluni.

Air Greenland sulissat naammassisinnaajumallugit aamma timmisartumik attartortariaqarsimalluni.

Air Greenlandip nammineq Airbusiutini ippassaammat silarluk pissutigalugu Islandimi unnuisittariaqarsimagamiuk siullermik Thomas Cook Airlinesimiit Airbusimik attartorluni imarpik ikaarlugu timmisartortitsivoq.

Savalimmiormiut pigisaannit Atlantic Airwaysimit timmisartumik sisamanngornermi attartartorluni Narsarsuarmut Qaanaamullu timmisartuussivoq. Qaqortumilu pisiniarfik qeerlutuujutaarummat Sisimiunilu immikkut pisariaqartitsisoqalermat Air Greenland aamma ikiuuttariaqalerpoq.

Air Greenlandip assartuinermut immikkoortoqarfiata juullimut allakkat tamarmik anngutereernerarpai, ilaasissallu tamakkingajassimallutik, Uummanniartussat arfineq marluk kisimik pinnatik.

Marlunngormat Uummannami Qaarsunilu silarlummat Air Greenlandip Dash-7-iutaa missinnaasimanngilaq, Danmarkiliartussallu arfineq marluk anngutinngitsoorsimapput, taakkulu juullimut annguttussat kingullersaraat.

Taakkuli Air Greenlandip juullip kingorna Danmarkiliartumut siullermut ilaatissavai.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER