Skip to main content

Qimuttut qimmiupput sulinermi atortut

Atugarissaarneq qimmillu qimuttut pillugit naalakkersuisoq Ove Karl Berthelsen oqalliseqataavoq, erseqqissaatigaalu qimuttut sulinermi atugassaasut, uumasulli illersorneqarnissaannut inatsit taakkununnga aamma tunngasuusoq.

Inuussutissarsiornermut aatsitassanullu naalakkersuisoq Ove Karl Berthelsen atugarissaarneq qimmillu qimuttut pillugut piffissami kingullermi oqallinneq malinnaaffigaa erseqqisaatigaalu qimmit qimuttut sullissisuusussaasut, tamannalu kalaallit piniartutut kulturiata ilagigaa, taamaattorli soorunalimi aamma uumasut illersorneqarnissaannut inatsisit malinneqartussaasut.

– Avannaani Tunumilu qimmeqarferujussuarmi qimmit 21.000-it missaanniimmata qimmiutillit ataasiakkaat qimmit isumagilluarnissaannut mikinngitsumik akisussaaffeqarput, namminersorlutik oqartussat uumasunut nakorsaasa nakkulilliinissamut periarfissaat killerujussuummata, naalakkersuisuni ilaasortaq Ove Karl Berthelsen allappoq.

Ove Karl Berthelsen allappoq, naluneqanngitsutut qimmit kalaallit piniartutut kulturiannut ilaalluinnartut, qimmillu Kalaallit Nunaanni pinngortitarsuarmi imaannaanngittartumi uumasuunissamut naleqqussarsimasuusut. Qimmilli aamma pitsaasunik atugassaqartariaqarnerarpai, ullut tamaasa nerisassaqartarlutik imigassaqartarlutillu aammalu anorimut silamullu oqquiffissaqarlutik.

– Tamanna nunatsinni inatsisini allassimavoq. Tassani aamma allassimavoq qimminik naalliutitsinissaq inerteqqutaasoq, soorlu unatartarlugit, naappallaartunik pituutaqartittarlugit nappasimalerpatalu uumasut nakorsaannukaattarnagit.

– Qimmiutillit qimmimik pitsaasumik atugaqarnissaannut mikinngitsumik akisussaaffeqarput, aammali innuttaasut takornarissallu tikeraat eqqarsaatigalugit. Suliassaq ataaseq qimminut saluppallaartunut tunngasoq imaluunniit qimminut ilassimasunik pituutalinnut tunngasoq amerlasuunut ajoqutaarujussuarsinnaavoq Kalaallit Nunaaatalu silarsuarmi tusaamaneqarneranut ajoqutaarujussuarsinnaalluni.

Taamaattumillu Ove Karl Berthelsenip kommunit kajumissaarpai inatsimmi piumasarineqartutut qimminut malittarisassat akuersissutigeqqullugit.

– Kommunit qimmeqarnermut malittarisassanik nakkutiginnittussaapput aammalu illoqarfinni nunaqarfiinniliu qimminik nakkutilliisussanik ilinniartitsisussaallutik, suliassallu taanna pingaartissavaat. Namminersorlutik oqartussat uumasunut nakorsaat ikittuinnaammaa suliassaq taanna kommunit ikiuutinngippata naammassisinnaanngilarput, uagilli inatsisiliortussaallutalu atortussanik akeqanngitsunik pissaqatitsisussaavugut. Aammami uumasut nakorsaat aggerlutik oqalugiariatortarsinnaapput, Ove Karl Berthelsen naggasiivoq.

Inatsisatut 2010-mi upernaakkut ataatsimiinnerminni qimmeqarnermut inatsit allanngortissavaat, tassani ilaatigut kigutinik kipisisarnissaq inerteqqutaammat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER