Skip to main content

Biskoppi qamutinut nuuttoq

Santa Claus Coca-Colap pilersitaraa. Atuaruk qanoq ililluni biskop Nicholas nunarsuarmi tamarmi juullip inugilersimaneraa.

Pisortat Juullip Inua piviusuunnginnerartuarsimavaat. Nunarsuarmi eqqarsaatersornikkut pilersitat pisoqaanersaannut tikilluarit: Taanna Nicholas 300-ikkunni Tyrkiap kangiatungaani biskopinngormalli aallartippoq, berlingske.dk allappoq.

Taassumap piitsut aningaasanik tunisarlugillu arnat atortittartuusut atortittartuujunnaarnissaannut ikiortarsimavai. Inuit ateraasatik biskopip matuata silataanut ilisarsimavaat, biskoppillu taakku aningaasanngaunik ikisiffigisarsimavai. Taamaalilluni alersinik ikumaartitsisarfiup qulaanut nivinngaasarneq aallarnerpoq.

Angut taanna ilumut ajunngilluinnartuusimavoq.

Taamaattumik katuullit taanna iluartuutitanngortippaat »santa«-millu taaguuserlugu. Allaat ukioq 1087-imi ilerra Bari-mut Italiap kujataaniittumut nuunneqarpoq.

1950-ikkullu qiteqqunnerisa missaanni ilisimatuut taanna missorsinnaasimavaat. Annilaartorujussuupput, angut mikisuararsuusimavoq qingaalu napisimalluni - taamanikkulli meerarpassuaqarluni oqitsuiusarsimanngilaq.

Naatsumik oqaatigalugu: Nicholas nissimaanit nalinginnaasunit anginerusimanngilaq.

Ilisimannittut sooq tamakku saqqummiussimanngilaat? KIap ilumoortumik oqaluttuutissavaatigut? Iluartuutitatoqqaq amerikamiut juullip inunngortippaat: 1823-mi New Yorkimi aviisimi ilanngunneqarpoq taallaq »The Night Before Christmas« titartagartalerlugu. Qularnanngilluinnartumik juullip inuata assinga siulleq - kisianni angisuujullunilu saluttuusoq. Ullumikkut uagut juullip inugisaråut orpilissallu ukioqatigiiusapput.

Alloriarneq 1863-imi pivoq atuagassiami Herper´s Weekly-mi allaaserinnittoqarmat. Tassani titartaasartup Thomas Nast-ip juullip inua ullumikkut nalunngisatsinnik atisalersimavaa.

Tassalu Juullip Inua umeqalerpoq, amernik sinaakkusersukkanik kavaajaqalerluni ullumikkutuullu isikkoqalerluni.

Qalipaateqanngiinnerluni. Taavalu Coca-Cola Company akuliuppoq. Suliffeqarfiup angutinnguaq taanna 1930-ikkunniilli nittarsaassisarnermini atorluartorujussuuaa. Qalipaatit nammineq atorluakkani aappaluttoq qaqortorlu qalipaasiullugit.

Santa Claus silasuarmi tamarmi ilisimaneqalerpoq assigiinngitsorpassuarnillu isikkoqalerluni.

70-ikkunni Danmarkimi meeqqat atuarfianni ilikkarparput: Juullip Inua upperigit oqaluttuarissagukku, taava aamma inuiaat allat kulturii oqaluttuarissavatit.

Taavalu Danmarkimi oqaluttuarisaanera iserfigiinnarsinnaalerparput. Tassanimi upperineqarpoq Juullip Inuia Qalasersuarmi Avannarlermi najugaqartoq.

Silarsuarmi sila kissakkiartulermalli, Juullip Inuata Kalaallit Nunaaniitinnissaa isumannaannerpaajusimavoq. Eskimuutulli isikkoqannginnera taamalu nunasiaatiginnittuusimasinnaanera eqqaanngilluaannassavagut.

Allakkerisoqarfiit Kalaallit Nunaanni, Alaskami, Finlandimi allanilu najugaqartinniartarpaat. Illarpaluttarnera ilisarnartoq Canadami oqaluttuarineqartarneranik allaaveqarpoq: Santa Claus-imut allassinnaavutit, najugaa tassaavoq Qalsersuaq Avannarleq, allakkerisarfimmi normua tassaalluni HOH HOH.

Nukappiaqqat aqqi NIkolaj, Niels aamma Claus tassanngaanneersuupput. Ullorli atserneqarfia decemberip arfernat nalliuttorsiortarunnaarsimavarput. Alersinik nivingaasarunnaarsimavugut. Tunissutissanik eqqussiinnarsinnarluni aneqqittalersimavoq.

Ataataasimanngikkuni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER