Nissebanden i Grønland normu 2-juvoq
Politikenip atuartartuisa juullimut ammartakkat pitsaanersaat taasissutigaat. Kisitseqqissaarnikkut 'Nissebanden i Grønland' nuannarineqarnerapaat tuliattut inissippoq.
Sisamanik ikinnerulaaginnarluni 'Nissebanden i Grønland' normu 2-unngorpoq, juullimut ammartagaq 'Jul på slottet' normu 1-inngorluni. Ajugaasumik nassaarniarluni taasinerit kiseqqissaarneqartariaqarsimapput.
Taamatut allappoq politiken.dk, tassani aviisip atuartartuisa juullimut ammartakkat pitsaanersaat taasissutigimmassuk.
'Nissebanden i Grønland' 692-inik taaneqarpoq, Jul på slottet 696-inik taaneqarluni ajugaasoq.
Juullimut ammartakkat taakkua marluk naligiittorujussuusimapput, 'Nissebanden' nalunaaqutaq 9-nut taasinernik sisamanik siuarsimagaluarluni Prinsesse Miamaja aamma Valentin naggataatigut taasinerup matunissaata siuninngua qaangiillutik.
Taasinermi angusatigut pissutsit marlussuit takutitsipput atuartartut nuannarisaannik oqaluttuartut. Nalinginnaasumik ammartakkat pisoqaanerit nuannarineqarnerupput. Taasinerit 63 procentii ammartakkanut 1990-ip siornatigut sananeqarsimasunut taasinerupput.
Taasisitsinermi normu 3-nngorpoq Pagten, 626-inik taaneqarluni.