Skip to main content

Hans Lyngep suliai Bryggenimi saqqummersinneqartut

Hans Lynge (1906-1988) Kalaallit Nunaanni inuit malunnaateqarnerpasimasut ilaattut isigineqartarpoq. Politikimik sammisaqarsimallunilu 1945-imi eqqumiitsuliornermut akademimi ilinniartunngorsimavoq, Massakkullu suliai Bryggenimi saqqummersinneqarput.

'Hans Lynge - mennesket og myten' qulequtsiullugu Bornholms Kunstmuseumilu suleqatigalugu qalipagaasa malunaateqarnerpaat ilaat saqqummersinneqarput.

Taakku 2010-mi januaarip arfineq 2-anniit apriilip 25-annut saqqummersinneqassapput.

Hans Lyngep eqqumiitsuliortarnera ilisimaneruleraanni eqqumiitsuliornermi misigisassat iserfigisariaqarput, suliaalu aqqutigalugit silarsuaq, pinngortitap nukingi, oqaluttuatoqqat piniartullu kulturiat ineriartorluarsimasoq ulloq manna tikillugu suli Kalaallit Nunaanni malunnarluartoq paasinerulernartarlutik.

Taamaattumik Hans Lyngep eqqumiitsuliaanik saqqummersitsineq oqaluttuarisaanermi kingumut qiviarnerinnaanngilaq, aammali kalaallit qangatut kulturiata inuiaqatigiillu suliffissuaqarfiusumi inuusut naapinnerannik paasisaqarfiusinnaalluni.

Ungasinngitsukkut namminersulernerup kingunerisaanik Hans Lyngep suliai suli soqutiginarnerulersimapput, allagaqartarnermigut qalipaasarnermigullu Kalaallit Nunaata imminut oqartussaaffiginissaa pingaartitariuarsimammagu.

Saqqummersitsinermut atatillugu katalogimik assiliartalersukkamik kurator Lars Kærulf Møllerip, inatsisartut siulittaasuata Josef Motzfeldtip mag.art. Birgitte Sonnellu oqaasertalersugaannik saqqummersitsisoqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER