Skip to main content

Napparsimasut lslandiliartalissapput

Napparsimasut peruluttut siunissami Danmarkimut pinnagit Islandiliaanneqartalissapput. Tamatuma kingunerisaanik sipaaruteqartoqassaaq.

Napparsimasut peruluttut Danmarkimi Rigshospitalimi katsorsarneqartarunnaassapput. Taarsiullugu Islandimut timmisartuunneqartalissapput. Tamatumani assartuinermi piffissaq sivikinnerusoq atorneqartassaaq millionilinnillu sipaaruteqartoqassalluni, peqqissutsimut naalakkersuisoqarfik oqarpoq.

Taamatut allappoq knr.gl.

Manna tikillugu napparsimasut peruluttut Kalaallit Nunaanneersut Danmarkimut katsorsariarneqartarput. Siunissami taarsiullugu Islandiliaanneqartalissapput.

- Tamakkua tassaanerusarput naalungiarsuit inuujaarpallaartut, inuit uummatiluttut kiisalu tartuluttut aamikkut akuluiagassat. Aamma tassaasinnaapput inuit ajoqusernermik kingunerlutsitsisut, peqqissutsimut naalakkersuisoqarfimmi pisortaq Ann Birkekær Kjeldsen nassuiaavoq.

Nalinginnaasumik napparsimasut peruluttut Kangerlussuakkut Danmarkiliaanneqartarput, Ann Birkekær Kjeldsenili malillugu aqqutaani uneqattaartarneq pitsaanngilaq, taamaattumillu assersuutigalugu Nuummiit Islandimut toqqaannartumik timmisartuussisarneq pitsaanerussaaq.

Napparsimasut peruluttut timmisartunik angallanneqartarnerat akisuvoq. Ukioq manna napparsimasut angallannissaannut 68 millioner koruunit missarpiaat immikkoortinneqarsimapput.

- Ullumikkut suut tamaasa ilanngullugit Danmarkiliaassineq agguaqatigiissillugu 400.000 koruuninik akeqarpoq, immaqalu affaannanngortinneqarsinnaavoq, Ann Birkekær Kjeldsen radioavisimut oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER