Meeqqanut isumaqatigiissut balloninik nalliussineqarpoq
Meeqqat pisinnaatitaaffii pillugit FN-ip isumaqatigiissutaa ukiunik 20-nngortorsiorpoq.
Annonce
2009-mi novembarip 20-anni ukiut 20-t qaangiupput Naalagaaffiit Peqatigiit Generalforsamlingiata FN-ip meeqqat pisinnaatitaaffii pillugit isumaqatigiissutaa akuersissutigimmagu.
1992-imi marsip 26-anni Kalaallit Nunaata Inatsisartuisa isumaqatigiissutip nunatsinni atuutilernissaa akuersissutigaat.
Naalakkersuisut ulloq nalliutseqataaffigerusuppaat, 'Meeqqanut isumaqatigiissut atortussaq pingaarutiliummat Kalaallit Nunaanni nunanilu tamalaani meeqqat pisinnaatitaaffiinik atugarissaarnissaannillu suliniuteqarnermi'.
Ulloq taanna atuarfinni meeqqerivinnilu meeqqanut balloninik agguaasoqassaaq kiisalu atuagaaraq 'Kalaallit Nunaanni Meeqqat Pisinnaatitaaffii' agguaanneqassalluni, Tusagassiivik nalunaarpoq.