Skip to main content

Islandimut aqqut nutaaq

Air Greenland Islandimut aqqummik nutaamik aasami angallaffiunerpaami ammaassaaq.

Air Greenlandip timmisartutaassaa Dash 8 aasamut juunip 26-anniit septembarip 4-aat tikillugu Nuup Reykjavikillu akornanni angallassissaaq.

Air Greenlandip timmisartuussisarnissaq nutaaq aqqutigalugu angallattakkani pitsaanerusumik periarfissinniarpai, taamaasillutik Europami Amerikamilu timmisartoqarfinnut ingerlaqqissinnaanngortillugit Keflavikimi nunanut tamalaanut timmisartunut mittarfia aqqusaarlugu.

Tamatuma saniatigut timmisartuutileqatigiiffik neriuppoq periarfissamik nutaamik ammaanikkut Kalaallit Nunaannukarusuttunut kajungilersitsisinnaallutik. Akit unamminartuunissaat Air Greenlandip neriorsuutigaa.

Air Greenlandip pisortaanera Michael Binzer sermitsiaq.gl-ikkut allalluni sap.ak. siuliani oqaloqatigineqarnerata nalaanni Islandimut angallassisalernissamik pilersaarutit saqqummiunneqaqqaarput, tassanimi Islandimit timmisartuussinerpassuit tikkuarneqarmata.

Air Greenlandip aamma pilersaarutigaa Kangerlussuup Kastrupillu akornanni angallassinerit allanngortinniarlugit.

Januaarimiit Kangerlussuarmiit Københavnimut aallartarnerit ullumikkornit akunnernik marlunnik kingusinnerusukkut aallartalissapput. Allannguinissamut tunngavigineqarpoq ilaasussat amerlanerpaat timmisartumut Danmarkiliartussamut ullormi aallarfissami ilaanissaannut periarfissinnissaat.

Tamatuma aamma kingunerissavaa ullaatungaa Nuummit aallartarnerit kingusinnerulernissaat.

Siunissami Nuummit nalunaaqqutaq 11.00 aallartoqarsinnaalissaaq timmisartorsuarlu Danmarkiliartussaq angumeralugu. Københavnimut nalunaaqqutaq 21.30 tikikkaluarluni suli Aalborgimut Århusimulluunniit timmisartumik ingerlaqqittoqarsinnaalluni, Air Greenland nalunaarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER