Nuummiuaqqat filmeriassapput
Adventit sapaataasa siullianni Nuummi orpik ikippat meeqqat mamakujuttunnagatik filmeriassapput
Annonse
Orpik Nuummi Arsiffimmi sapaatiuppat ikinneqarnissaminut piareerluni inissaminiilereerpoq. Nuummi atuartunut ukioq manna 'mamakujuttunnattaassaq' tassaavoq filmimik 'Earth' isiginnaarnissaq, Kommuneqarfik Sermersooq nittartakkamini allappoq.
– Meeqqat kommunip paaqqinnittarfiniinneq ajortut decembarip 2-anni 3-annilu nal. 10.00 - 15.00 akornanni puussiaarannattassaminnik kommunip innuttaasunik sullissivianut aallersinnaapput. Kommunip nalunaarutigaattaaq ukioq manna puussiaaraq peqqinnartunik imaqassasoq.
Nuummi atuartut kulturikkut illorsuarmi Katuami decembarip qeqqata missaani filmeriaassapput.