Skip to main content

Aatsitassanut inatsisissaq akerliussutsimik takutitsiffigissavaat

Kikkulluunniit ujaraarannguamik niuertut Aatsitassanut Pisortaqarfimmit akuersissummik peqaqqaassapput.

Tallimanngornermi Inatsisartut aatsitassamut inatsissamik pingajussaaneerinnilerpata akerliussutsimik takutitsisoqassaaq, akerliussutsimik takutitsinermut tunngaviuvoq inatsisissami aalajangersakkat nutaat nunaqavissut ujaqqanik aatsitassanilluunniit asimi katersinissaanerannut tunngasut.

Peqatigiiffik 16. august akerliussutsimik takutitsinissamut nalunaaqqutaq 12.00 inatsisartut ataatsimiittarfiata saavani pisussamut qaaqqusisuuvoq.

– Sooq nunatsinni inatsit ukiorpassuarni naalagaaffeqatigiinnerup aqqani assortuussutaasimasoq akerliuffigineqassava?

– Pissutigalugu nunamut oqartussaaneq pinnagu, tallimanngornermi nunamut oqartussaaneq annaassagatsigu, aaqqissuusseqataasoq Peter Tuusi Motzfeldt sermitsiaq.gl-imut oqarpoq.

Taassuma aatsitassanut inatsisissami peqqussutissaq nutaaq innersuuppaa, tassani nunaqavissut ujaraarannguamilluunniit katersaminnik silisaminnillu tunisiniarunik Aatsitassanut Pisortaqarfimmit akuersissummik 'annikitsunnguamik' (tuluttut small scale) aatsitassanik misissuinissamut atorluaanissamullu akuersissutinik peqaqqaartariaqarmata.

– Qangarsuaanit ileqqut pissutigalugit asimi nassaatsinnik atuisinnaatitaavugut, aatsitassamilli inatsisissap nutaap ujaqqanik pinnersaasiassanillu namminneq nunaminni katersisartut pinerluttulerinermik inatsimmik unioqqutitsisunngortissavai, Peter Tuusi Motzfeldt oqarpoq.

Peqatigiiffik 16. august isumaqarpoq, aatsitsassamut inatsit marluvinngorlugu avinneqartariaqartoq, aatsitassarsiorlutik suliffissuaqarnermik ingerlatsisunut immikkut, kiisalu nunaqavissut ujaqqanik pinnersaasiassanillu annikitsunnguamik katersisartunut.

– Nunaqavissup Kuannersuarni tugtupitimik ujaasisumit, australiamiullu qaqqami tassanerpiaq uranimik ujaasinera imminnut assersuunneqarsinnaanngillat, Peter Tuusi Motzfeldt oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER