Skip to main content

Københavnimi ukiorpalaartumi juullimut tuniniaaneq

Tallimanngormat arfininngormallu Københavnimi Kalaallit Illuutaani juullimut tuniniaasoqarpoq.

Københavnimi Kalaallit Illuutaanni ukiumoortumik pisarnertut juullimut tuniniaasoqarpoq, tassani arnarpaaluit assassukkaminnik tuniniaammata.

Nerriviit katillugit 20-t tuniniaavissat tamarmik inuttaqarput Københavnimi Kalaallit Illuutaanni Løvstrædemiittumi ukiumut pisartumi juullimut tuniniaasoqarmat. Allerpaami aamma qulaani ataatsimiittarfimmi tuniniaaneq ingerlanneqarpoq kalaallit assassorlutik eqqumiitsuliaannik allanillu assassukkanik. Natsat, qungasequtit, aaqqatit kiisalu nissiaqqat nuersakkat, puisip amianik kameeraliat, isersimmatit, nissiaqqat aamma nutaatut; puisip amianik naneruuserfeeraliat putoortuaqqanik sinaakkusersukkat alutornarluinnartut pinnersaatillu silvimik sanaat puisip amianik ilallit.

Sapangaaqqanik nuisat nerrivimmiititassat, naaneruuserfeeraliat aamma siarngit sapangaaqqanik nuisat kalaallini juullikkunni takussaasartut ilagaat, taakkulu qallunaat juullimi nerriviini pinnersaataassaqaat allanartut. Allat aamma atuakkanik qangarnisanik tuniniaapput. Soorlu aamma Kalaallit Illuutaat aamma ullorsiutinik kiisalu SUME-kkut pillugu atuakkiamik, ulloq taanna aatsaat nioqqutigineqartumik, aamma tuniniaasoq.

Aamma qulaani nerriviit tuniniaaviit assassukkanik ulikkaarput. Tassaniippoq aamma kalaallit Vesterbromi orniguttarfianni Qiperumi ornittuartut suliaat, puisip amianik assassukkat kiisalu juullimi pinnersaatiliaat naneruutitallit.

Nanumut katersiniarneq

Meeqqat inuusuttullu pillugit suliniaqatigiiffik, Nanu, aamma ilaavoq kaffimik, tiimik bor’lunillu tuniniaalluni. Aamma nioqqutaasa ilagaat erinaq CD-miittoq, Julie Berthelsenimit Søs Fengerimillu erinarsorneqartoq, taakkua atsiugaannik imaluunniit atsiornertaqanngitsumik tuniniarneqarluni. Tassani tunisat aningaasartaat tamarmik Nanumut tunniunneqassapput.

Ukiorpassuarni Danmarkimi najugaqartut

Arnat assassukkaminnik tuniniaasut ilaat ukiorpassuarni Danmarkimi najugaqartuupput, arlaat oqaluttuarpoq ukiut 50-it matuma siornatigut Danmarkimut nunalisimalluni. Uummannarmiorpaluttoq, sisimiormiorpaluttoq, paamiormiu peqataapput ataaserlu Illoqqortoormiuninngaanneernerarpoq. Ilaat aatsaat juullimut tuniniaanermi peqataalinngillat.

Tuniniaaneq ulluni marlunni ingerlanneqarpoq, tallimanngornermi aamma arfininngornermi, decembarip pingajuani sisamaanilu. Kalaallit Illutaallu pisarnertut aaqqissuisuuvoq Københavnip ukiorpaseqisup qeqqani.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER