'Nukappiarapalaat' nunatsinni ammartagaliortut
DR-ip nittartagaani juullimut ammartagaq 'Perlevenner i Grønland' (Kammagiit Kalaallit Nunaaliartut) araberit nukappissat 'Biilo' aamma 'T' Kalaallit Nunaannut ilisimasassarsiorlutik angalapput.
Puisi halaliua? (muslimit nersutinik toqutseriaasiat naapertorlugu toqutaq, aaqq.), Irakimiu qajartorsinnaava? Diskobugtimi pinnersunik arnaqarpa? Dr.dk-p arabererpalaarlunilu kalaalerpaluttumik ammartagaliaanni nutaami tamakku paasiniarneqassapput.
Aallakaatitassiani immikkuukajaartuni 24-ni inuusuttuaqqat silarsuaat inersimasullu silarsuaat eqqumiitsumik naapittarput, araberit kulturiat kalaallillu piniartutut kulturitoqaat naapisinneqarlutik. Tupacip Tupilak naapippaa - pujortaassuaq imermoortagaq (vandpibe) kamiillu.
Kalaallit Nunaanni misigisat Biilomut T-mullu sunniuteqartorujussuusimapput.
– Allaannginnami oqaluttualiamiilluni. Pinngortitaq ingasattumik luksusiuvoq - silarsuaq allarluinnaq. Mjølnerparkemit (Nørrebromi nunasisorpassuit najugaqarfiannit, aaq.) allaaneroqaaq. Pinngortitaq ingasappallaaqaaq, 'T' oqarpoq.