Iserit A/S akitsuissanngilaq

Kommuneqarfik Sermersuup inissiat attartortitami akiliutaanik aappaagumut qaffassanngilaq.

Iserit A/S attartortitsinermi akimik qaffaassanngilaq illuatungaani A/S INI 5,5 procentimik qaffaassamaartoq. Grafik: Iserit.

Inissiaatileqatigiiffik Iserit A/S ukiup affaani kingullermi 1,2 million koruuninik akileraarutit suli ilanngaatiginagit sinneqartooruteqarpoq, knr.gl allappoq.

Aappaagu aningaasartuutissat immikkoortukkuutaallu ingerlatsinermut missingersuusiaat akuerineqarsimasut tunngavigalugit attartortitsinermut akigitinneqartut maanna atuuttut qaffanneqartariaqanngitsut aalajangerpaat.

A/S Inissiaatileqatigiiffik INI-p attartortittagaani akigitinneqartut 5,5 procentit tikillugit qaffanneqarnissaat qanittukkut nalunaarutigineqarpoq, Iserit A/S-iulli inissiaataannik attartortut ineqarnermut akiliutigisartagaat qaaffanneqassanngitsut maanna nalunaarutigineqarpoq.

Kommuunit kattussuunneqarnerinut atatillugu Iserit A/S Paamiuni, Tasiilami Illoqqortoormiunilu inissianik aqutsilerpoq. Inissiat katillugit 1900-ngajaat Iserit A/S-imit taamaasillutik aqutarineqalerput.

Powered by Labrador CMS