Skip to main content

Aalisartut nunaliaqqusaanngillat

Canadamiut kilisaataanni maanna Nuup umiarsualiviani tulaqqasumi stafylokokkinik nassaartoqarsimanera pissutigalugu, inuttat mattussaagallarput.

Peqqinnissakkut nakkutilliisoqarfiup canadamiut kilisaataataanni inuttat 16-it mattussaagallarnissaat piumasaa, kilisaat maanna Nuup umiarsualiviani tulaqqavoq, knr.gl allappoq.

Mattussinermut pissutaavoq inuttat ilaat tunillaannartumik bakteriaqalersimanera. Tamanna Peqqinnissakkut nakkutilliisoqarfimmi peqqissaasup Turid Skifte uppernarsarpaa.

– Tunillatsissimasoq assammigut mamikkumanngitsunik ikeqarsimavoq, Nuummilu nakorsiartarfimmut nakorsiarnerani paasineqarpoq Stafylokokkimik tunillatsissimasoq, Turid Skifte oqarpoq.

Bakteria taanna inunni peqqissuni naviananngilaq timilli imminnut attuunneranni tunillaattaarluni. Stafylokokkip bakteriaa nakorsaatinit bakterissanik toqoraassutaasartunit nakorsarneqarsinaanngilaq, taamaattumillu napparsimagaanni sanngiitsuullunilu, stafylokokkip bakteriaa peqqarniitsumik timi saassussinnaasarpaa katsorsaruminaatsuullunilu.

Kilisaammi inuttaq tunillatsissimasoq inuttallu allat kilisaammit qimaguteqqusaanngillat. Inuttat sinneri bakterissamik tunillatsissimanersut misissorneqareerput, mississuinerilli inerneri suli naammassineqanngillat.

Tunillatsissimasoq akiuussutissamik qanoq ittumik katsorsarneqassanersoq Danmarkimi naalagaaffiup misissuisitsisarfiani Statens Serumsinstitutimi maannakkut misissorneqarpoq, ullullu arlallit qaanngiuppata paasineqarumaartoq nunatsinni nakorsaaneqarfimmi peqqissaasoq, Turid Skifte oqarpoq.

Eqqiaasartut ISS-imeersut kilisaammi tunillannartuiaallutillu eqqiaapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER