Skip to main content

Appaliarsuit kingunngersuupput

Ilisimatuutut misissuinikkut paasineqarpoq issittuni apaliarsuit kingunngerluinnartuusut.

Appaliarsuit inersimasut 35-it piaqqaminnut nerisitassaraluinik oriaasinnerisigut uumasunik ilisimatuup Cartesn Egevangip suleqataasalu paasivaat appaliarsuit nerisartagaasa 95 procentiisa missingi tassaagut kinguit.

Ilisimatuut videnskab.dk-mut oqaluttuaraat appariarsuit allorsimanerminni kingunniartartut tamakkulu nerisaasa pingaarnersarigaat. Taamaalillutik appaliarsuit immap timmiaanit allaninngaanniit, annerusumik aalisagartortuusuniit, allaanerulluinnartunik nerisaqarput.

– Appaliarsuit inuussutissat immami timissat allat soqutiginngisaat nerisarpaat. Unammillersigisinnaasatuaraat arferit soqqallit, tamakkuli tamaani neriniartanngillat, Carsten Egevang oqarpoq, taannalu Pinngortitaleriffimmi uumasunik ilisimatuuvoq Danmarks Miljøundersøgelsemit Aarhus Universitetip ataaniittumut attuumassuteqartuulluni.

Carsten Egedvangip kinguit 3 - 5 centimeterinik angissuseqartartut amerlalluinnarnerarpai, ullullu tamaasaluunniit Scoresbysundimi appaliarsuit kingunnik ikinnerpaamik 10 millioninilluunniit nerisarsinnaanerarlugit. Ilisimatuut naatsorsorsimavaat, appaliarsuk ataaseq ataatsimik piaralik ullut tamaa kingunnik 59.800-it missiliorlugit amerlassusilinnik pisaqarsinnaasartoq.

Paasissutissatigut katersukkatigut aamma takuneqarsinnaavoq appaliarsuit issittut imartaanni ullormut 240-it tikillugit allorsinnaasartut 27 meterillu tikillugit itissusilimmut allortarlutik.

Misissuinermi paasisat ukiormanna ilisimatuut atuagassiaatigut Polar Biology-kut saqqummiunneqarsimapput, videnskab.dk taama allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER