Skip to main content

Mælkebøttenimi meeqqat eqqumiitsuliaat Kunngikkormiunit taperneqarput

Dronning Margrethe og Prins Henriks Fondip Nuummi Mælkebøtteni aningaasaliiffigaa eqqumiitsuliornermik suliassamut atugassanik.

Meeqqat Mælkebøttemiittartut qalipaalerunik sunaluunniit qalipassinnaassagunarpaat. Meeqqat suliniummi 'Megamønsterudsmykning' (Iluserujussuaq kusassaasussaq aaq.) peqataassapput eqqumiitsuliortup Julie Edel Hardenbergi peqatigalugu pilersaarutigineqartoq suliarineqarneranilu peqataasussami.

Mælkebøttenip ulluinnarni aqutsisua Kirsten Ørgaard oqaluttuarpoq.

– Nuannaajallatsitsinissaq anguniarneqarpoq meeqqallu Mælkebøttenimiittartut suugaluanilluunniit isumassarsiorsinnaalersinneqassapput takorluuilersinneqassallutillu, taamaasillutik namminneq isumassarsiorsinnaanerat eqqumiitsuliorsinnaanerallu nukittorsarneqassaaq, oqaluttuarpoq.

Suliniutigineqarpoq Mælkebøttenip sannaviani iikkat ilaat meeqqat eqqumiitsuliorfigissagaat.

– Meeqqat eqqumiitsuliornerup silarsuaannut ilitsersuunneqassapput, eqqumiitsuliortut suliaat tissinartut isumassarsiullaqqissutsimillu takutitsisut isiginnaarsinnaalissavaat. Eqqumiitsuliortutut isumassarsiorlutik Julie Edel Hardenbergip qalipaasarfia takuniassavaat eqqumiitsulianillu Sanami, Ilimmarfimmi, Tusagassiivimmi Café Baristamilu takuniaassapput. Ilaatigut aamma Aka Høeghip Pinngortitaleriffimmi ikkami nivinngaassugai isumassarsiorfiussapput.

Tamatuma kingorna meeqqat namminneq isumassarsiornissaannut periarfissinneqassapput. Meeqqat nunatsinni nuna isumassarsiorfigissavaat siunnersuusiorlutillu namminneq qanoq suliaqarnissaminnut piareersarnissaminni, Kirsten Ørgaard oqaluttuarpoq.

Suliniut novembarip 13-ianni saqqummersitsinermik naammassineqassaaq aamma diplominik agguaassinikkkut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER