Skip to main content

Ulop nalliuttorsiornera nunanit tamalaanit peqataaffigineqarpoq

Sønderjyllandimi kalaallit peqatigiiffiat 35-liilluni nalliuttorsiormat arnat nunanit tamalaaneersut qaaqqusaapput.

Sønderjyllandimi kalaallit peqatigiiffiat Ulo 35-liilluni nalliuttorsiorpoq Kegnæsip katersortarfiani Sydalsimiittumi, nunami taqqavani naajat tyskisut qarlortarfianni.

Kalaallit Danmarkimi peqatigiiffiit allat assigalugit Ulomi ilaasortaapput arnat tamaani najugaqartut qanorlu nalliuttorsiussallutik nalunngilluarpaat.

Arfininngorneq nalliuttorsiorneq malunnartinneqarmat Danmarkimi peqatigiiffinnit arlalinnit aammalu kattuffik "Inuit-mit" peqataaffigineqarpoq. Nunat allanik qaaqqusat aamma misigilluarpaat kalaallit qanoq fiistertarnerat, ilami illaqattaarlutik, erinarsoqatigiit erinarsornerannik, erinarsoqatigiinnermik aammalu qittannermik fiisti ingerlanneqarmat.

Ulop siulittaasua Susanne Nissen Hawaamit arnat attaveqarfigisimavai. Hawaa tassaavoq arnat nunanit allaneersut danskillu arnartaasa suliniaqatigiiffiat.

Suliniaqatigiiffiup siunertaraa arnat nunanit allaneersut ikiorneqarlutik namminneq ikiorsinnaalernissaannik anguniagalik. Aammalu kulturit assigiinngitsut danskit inuiaqatigiivini inuunissaannik ikiuinissamik suliallit. Kiisalu arnat sumunnarfeqarlutik inuunertik pillugu eqqissillutik oqaloqatigiiffissaannik pilersitsisartut.

Nalliuttorsiornermi arnat Bosnien aamma Herzegovia, Eritrea, Libanon aamma Afghanistan kiisalu Sønderborgimi allaffimmit peqataapput.

Ulo 70 miss. ilaasortaqarpoq kattuffiullu "Inuit" Danmarkimiittup ilaasortaasa 22-t akornanniilluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER