Skip to main content

Qasigiaq satellitilik

Ilisimatusartut qasigissat arfineq-pingasut qaammataasakkoortumik nassitsissutilerpaat puisi nungutaangajalersoq malittarisinnaajumallugu.

Aatsitassarsiornermut pisortaqarfiup Naalakkersuisut ataanniittup avatangiisinut misissuisitsinerani sullissinermut atatillugu, aatsaat perngaamik ilisimatusartut Danmarks Miljøundersøgelseneersut, Aarhus Universitetimeersut aammalu Pinngortitaleriffimmeersut qasigissat arfineq-pingasut qaammataasakkoortumik natsissutilernissaat iluatsippaat. Taama dmu.dk allappoq.

Nassitsissutit ilisimatusartut paasisippaat uumasut qanoq angalariaaseqarnersut aammalu aqqaamariaaseqarnersut.

– Neriuutigigaluaratsigu uumasut ataasiakkaat siammasissullu naammattuussallutigit, biologit ukiuni 50-ini uppernarsarsinnaanngimmatigit Kalaallit Nunaata eqqaani qasigissanik ataatsimoortunik peqartoq. Piniartut piffissami tassani eqimattanik ataasiakkaaginnarnik takusarsimanerat tunngavigalugu, piniarneqarnerisali kingorna eqimattaagaluit siaruartarput. Qasigissalli sumiiffinni allani ataatsimuuleqqittarput isumaqartoqarporli qasigissalli ukiut arlallit akornusersorneqanngikkunik aatsaat eqimattarsuanngorlutik ataatsimuuleqqissinnaasut. Qasigissat arlallit qaammataasakkoortunik nassitsissutilernissaat iluatsikkatsipparput ullullu tamaasa ukioq tamaat ingerlaarneri malinnaaffigisinnaaleratsigit allaanngilaq sinnattoq piviusunngortoq, ukiut 20-t matuma siorna suliamik aallartitsigatta kissaatigisarput piviusunngorpoq, Rune Bietz aamma Jonas Teilmann tamarmik DMU-mi ilisimatusarnermik aqutsisut oqarput.

Qasigissat siornatigut arnat seeqqinissaannut atorneqarluartut maanna ikittuararsuanngornikuupput Kujataani Nunap Isuata imartaani Kitaanilu sumiiffinni amerlanngitsuni nassaassaalluni.

Kitaani qasigissat 1950-ikkut kingorna ikileriarujussuarput uumasullu siornatigut Kitaata nunataani katersuuttarfitik atorunnaarluinnarsimavaat.

NAMMCO-p nalunaarusiaani takkuttussami allattoq ilisimatusartoq Aqqalu Rosing-Asvid, Pinngortitaleriffimmiit paasissutissiivoq 2007-mi ilimagineqartoq qasigissat nunatta imartaani 1000-t missaaniittut, dmu.dk allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER