Skip to main content

Namminersorlutik Oqartussat ilisarnaatitaarput

Namminersorlutik Oqartussat nutaamik saqqummersitatigut ilisarnaatitaarput, namminersornerup namminersornerullutik oqartussanit allaanerunera ersesinniarneqassalluni.

Saqqummersitatigut ilisarnaataalersut naalakkersuisoqarfinnut, aqutsisoqarfinnut pisortaqarfinnullu atuuttuupput Inatsisartulli Allattoqarfianut atuuttuunatik, taanna namminersorlutik oqartussanut atanngimmat.

Saqqummersitatigut ilisarnaatitaat qarasaasiatigoortortaat ataasinngornermi 16. november atuutitinneqalissapput, atortussallu naqinneqarsimasut qaammatip ataatsip qaangiussimalernerani piareersimaneqarnissaat naatsorsuutigineqarpoq.

Siusinnerusukkut ilisarnaataasimasunut sanilliullugu ilisarnaataalersumi nutaami allanguut annertunerpaaq tassaavoq taaguut ”Namminersorlutik Oqartussat” ilaatinneqanngimmat, Tusagassiivik allappoq.

- Allannguut alla tassaavoq ilisarnaatip nalaani oqaasertat danskisoortortaqannginnerat, tassami oqaasertat kalaallisut tuluttullu allassimammata. Tassa Namminersornerup atuutitinneqalernerani qallunaatut taaguut ”Landsstyre” Naalakkersuisunit atorunnaarsinneqarmat, taamaalilluni taaguut ”Naalakkersuisut” pisortatigoortumik kalaallisut qallunaatullu taaguutaalerluni, namminersorlutik oqartussat tusagassiuutinut nalunaarutaanni allassimavoq.

Saqqummersitatigut ilisarnaataalersut nutaat siunertaraat Namminersorlutik Oqartussat suliffeqarfittut ataasiusutut avammut saqqummertarnissaasa qulakkeerneqarnissaa, tassa saqqummersitatigut tamatigut nassiunneqartup Naalakkersuisut allattoqarfianeersuunerat ilisarnarsisissallugu.

- Saqqummersitatigut ilisarnaataalersut takujuminartuuneq, torersumik avammut nittarsaanneq kiisalu assigiinngitaassuseq sapinngisamik ersersinniartussaavaat. Tamanna ilisarnaataalersut pisariitsumik ilioqqarneqarnerisigut, qalipaatigissaartunik atuinikkut, logop nannup torersumik aaqqinneragut, kiisalu assitagissaartumik takujuminarsaanikkullu takutinniarneqarpoq. Assit atorneqartut nuannaarneq, inuunerissaarneq, nukittussuseq inuillu qitiutinneqarnerat, assigiinngisitaassuseq qalipaatigiissaassuserlu takutinniarpaat.

Kalaallit Nunaani pinngortitaq pingaartumillu arsarnerit qalipaatit atorneqartut toqqarneqarneranni pingaaruteqarsimapput. Qalipaatinik atuinermi arsarnerit qalipaataasa iluserisartagaasalu takutinniartussaavaat nukik, allanngoriartorneq kiisalu ataqatigiissuseq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER