Umiartortut stafylokokkinut katsorsarneqartut
Angutit pingasut candamiut kilisaataanni inuttat stafylokokkinik tunillanneqarsimasut Dronning Ingridip Napparsimavissuanit katsorsarneqarput.
Annonse
Kilisaammi bakterianik stafylokokkinik sapaatip akunnerani kingullermi nassaartoqarnerata kingunerisaanik, inuttat tamarmik nunamut ikaaqqusaajunnaarput.
Misissuisoqareermallu inuttat pingasut bakteriamik tunillanneqarsimasut paasineqarpoq.
– Nakorsiartarfimmi DIH-milu sulisut umiarsuarmut ikaarlutik tunillatsissimasunik katsorsaapput. Tamatuma saniatigut inuttat tunillatsinnginnissaminnut qanoq iliuuseqarsinnaanersut oqaluttuunneqarput, umiarsuarlu tamakkerlugu immikkut ittumik eqqiarneqarluni, nakorsiartarfimmi nakorsaq Gert Mulvad knr.gl-imut oqarpoq