Skip to main content

GU-mi atuartut nersornaatisipput

Aasianni GU-mi atuartut pinngortitalerinermik Danmarkimi pissartanngorniunnermi, silap pissusia pillugu ilinniartitsissut ´Qipoqqaat silallu allanngoriartornera´ akissarsissutigaat.

Tassaappulli pinngortitalerinermik ilinniartitsisut Finn Bendixen suleqataalu Kasper Busk, ukioq manna pinngortitamik ilinniartitsillaqqinnerpaatut, silap pissusianik samminninnermi, pissartanngortut.

- Naapertuilluannginneruvorli, tassami ilinniartutta pikkorissusiat pissutigalugu suliniut ingerlassinnaasimavarput. Kalaallit ilinniartut pinngortitamik ilisimasaqarlyaurput takunninniallaqqissuullutillu, nangaanngivillungalu oqarsinnaavunga ilinniartunik taamak pikkoritsigisunik peqarluta suliniut ingerlassinnaasimanngikkaluariga, Finn Bendixen oqarpoq.

Ilinniartitsissut qipoqqarnik assiliisaqattaarnermik ilaqarpoq.

- Tullinnguuppoq Kalaallit Nunaanni Pinngortitaleriffiup attaveqarfiginissaa, tamanna isumaqatigiissutigereersimagatsigu. Qipoqqarnik nutaanik assiliiortorsimavugut, nalilersinnissaalu qilanaaralutigu, Finn Bendixen oqarpoq.

Tamatuma saniatigut ilinniartut atuarfeqarfimminni tamarmi, tassa Sisimiuniit Qaanaamut, paasissutissanik katersipput.

- Qipoqqaat siaruarsimanerisa qanga allanngornera paaserusupparput. Neriuutigaarpullu qipoqqaqarfinni najugallit nutaanik paasissutissinnaassagaatigut, immaqa allaat Pinngortitaleriffimi biologinut, Finn Bendixen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER