Skip to main content

Nittartakkakkut aviisi nutaaq imaannaanngitsunik saqqummiussivoq

www.aviisi.gl iserfigalugu namminersornerusuni inatsisilerituutut sulisimasup politikkerit assuarnartuliaannik saqqummiussai atuarneqarsinnaapput.

AG naapertorlugu aviisi.gl pingasunngornermi saqqummissaaq.

Nittartakkakkut tusagassiorfimmik pilersitsivoq Lars Bo Bjørknæs, 34-nik ukiulik. Taassuma AG-p allaatigisaqattaagai "Qinikkat piisaapilunnerat"-nik tunuliaqutsersuisuunikuuvoq.

Kalaallit Nunaanni nittartakkakkut nutaarsiassaqartitsivik kikkunnulluunniit attuumassuteqanngitsoq pisariaqartinneqarpoq, Lars Bo Bjørknæs isumaqarpoq, taassuma siornatigut AG-mut ilisimasani tuniniartarpai.

AAMMA ATUARUK: AG-p bilagit pisiarai

– Qinngasaarerpalulaarlunga oqaatigisinnaavara isumaqarama tusagassiiviit maanna pioreersut unittuujusassimasut. Tunuarsimaalersimapput nalunnginnamikkit politikerit tusagassiiviit aningaasarsiaat ataannarsinnaanerallu aalajangiiffigisussaagaat, Lars Bo Bjørknæs oqarpoq.

Nammineq oqarnera naapertorlugu oqaluttuassaqarpoq pisunik hornorujulinnik qulaajaasussanik.

- Oqaluttuassat itisiliisut qulaajaasussallu 400-t piareersimasuutigaakka. Ukiup ataatsip ingerlanerani ullut tamaasa nutaanik saqqummiussisassaanga, Bjørknæs AG-mut oqarpoq.

Inatsisileritooq Namminersorlutik Oqartussani pisortanit kalaallinit ilisarisimaneqarluarpoq takussutissanik paasiniaallaqqissutut. Pilersaarutaavoq kalaallit politikeriisa pisortat aningaasaataannik atuinerat atornerluinerallu atuakkiarineqassasoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER