Skip to main content

Puttaarsuarmi nannut ilagalugit saavitaasoq

Nukappiaq 17-inik ukiulik Nunavummeersoq sikutarsuarmi nanoq arnaviaq taassumalu piarai marluk ilagalugit saaveqataasoq annanneqarpoq.

Nukappiaq 17-inik ukiulik Jupi Angootealuk, Hudsonip Kangerliumarngani Nunavumi illoqarfiit ilaata Coral Harbourip eqqaani sikutarsuarmi saavitittoq annanneqarpoq, CBC News oqaluttuarpoq.

Nukappiaq angani 67-inik ukiulik ilagalugu sapaammi Coral Bayip eqqaani Canadap avannarpasissuani nannunniartillutik, snescooteriat aserorpoq.

Illoqarfimmut qaninnermut 18 kilometerinik ungasissusilimmukassallutik pisummik aallarput, qanorli pisoqarsimariarmat imminnut tammarput, eb.dk allappoq.

67-inik ukiulik sanioqquttunut ilaaffissarsigami 17-inik ukiulimmik ujaasillutik aallartipput iluatsitsinatilli. 67-inik ukiulik ikioqqussummik kalerriivoq kingunitsianngualu Canadami sakkutuut timmisartortartut ujaasineq aallartippaat.

Tamatuma nalaani 17-inik ukiulik sikutarsuarmi Hudsonip Kangerliumarngani tissukaqataavoq nannut arlallit tissukaqatigalugit. Qujanartumik nukappiaq aallaasilisarpoq, nannullu imminerminik soqutiginnilermata aallaasariaqarsimavai.

– Imminut illersorniarluni nannut aallaasariaqarpai. Sikutarsuarmi allanik nanoqarpoq taakkuli nukappissamut qanillattunngillat taamaammat taakku aallaanissaat pisariaqarsimanngilaq, Ed Zebedee annaassiniartut ilaat oqaluttuarpoq.

Annaassiniartut sapaammi unnukkulli nukappiaq sikutarsuarmi saaveqataasoq takugaluarpaat, takusinnaajunnaartoorluguli aatsaat ataasinngornermi takoqqippaat, snescooterit aserorfiannit kilometerit 34-nik ungasissusilimmi, eb.dk allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER