Skip to main content

Tusilartut Nuummi naapissapput

Aatsaat siullerpaamik tusilartut nunatsinnit tamaneersut ulluni tallimani Nuummi katerissapput.

Tusilartut 65-it inorlugit ukiullit 25-t marlunngornermiit Nuummi katersuutissapput, ilaatigut qarasaasiakkut attaveqarneq pillugu pikkorissassallutik.

Manna tikillugu tusilartut imminnut attaveqatigiinnissaminnut periarfissaqarsimanngillat. Pikkorissarnermi tusilartut nunarsuarmi sumiluunniit tusilartunik attaveqarnissaminnut pikkorissassapput.

Qarasaasiamik pikkorissarnerup saniatigut innarluutillit pillugit inatsit sammineqassaaq, taamaasillutik tusilartut pisinnaatitaaffitsit pillugit ilisimasaqarnerulernissaat angujumallugu.

Siunertaavoq tusilartut ukiut tamaasa katersuutittalernissaat taamaaqatiminnik naapitaqarlutik misilittakkaminnik paarlaaseqatigiittalerniassammata, Peqqissutsimut naalakkersuisoqarfik nalunaarpoq.

Innarluutillit pillugit ilisimasanik aammalu siunnersuisartut Peqqissutsimut naalakkersuisoqarfiup ataani inissisimasut tusilartut naapeqatigiissinneqarnissaat aaqqissuuppaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER