Kapuutigineqartussat sinerissamut nassiussorneqarput
Nualluut A akiorniarlugu kapuutigineqartussat siulliit 32.000-it sinerissamut nassiussuunneqarput.
Nakorsat qullersaat taama nalunaaruteqarpoq.
Nassiussat siulliit sanngiitsunut kapuutigineqassapput aammalu napparsimasunik sullissisunit tunillatsinnginnissaminnik pisasriaqartitsisunit.
65-inik ukioqalereersimasut utoqqaat peqqissut qaqutigorsuaannaq nualluummi A-mik eqqorneqartarput taamaattumik influenza A-mut (H1N1)kapitinnissaat pisariaqanngilaq taamaattorli ukiaanerani nualluutinut nalinginnaasunut kapitittariaqarlutik.
Sanngiitsunik taaneqartut inuusuttuttortaat sakkortuumik eqqorneqaratarsinnaapput, taamaattumik sanngiitsut 65-inik ukioqalereersimanngitsut kapuinissami siulliunneqarnissaat pingaartinneqartoq nakorsat pisortaat nalunaarpoq.
Inuit makkunannga akornutillit kapitinnissaminnik neqeroorfigineqarput:
* Pualluttut
* Uummatimikkut taqqamikkullu akornutillit
* Aammikkut nappaatillit
* Sukkornermik nappaatillit
* Sanngiitsunik illersuutissallit
* Sianiutimikkut nappaateqarnertik pillugu anersaartornermikkut quersornissaminnillu ajornartorsiutillit
* Tingulluttut tartuluttullu
* Pualavallaartut
* Allatulluunniit nappaatillit nakorsat naliliinerisigut kapitinnissamut piukkunnartut.
Naartusut makku tunngavigalugit aamma kapitissinnaapput:
* Qaammatit sisamassaat sinnerlugilluunniit naartusut
* Qaammatit pingasunngorlugit naartusut nappaateqarnertik pissutigalugu nualluummik sakkortuumik atuisinnaasutut nalilikkat. Nakorsat nappaatit pillugit naliliinerisigut kapitinnissamik innersuunneqarsinnaapput.