Skip to main content

Niviarsiaraq nualluttoq ajorunnaareerpoq

Niviarsiaraq Tasiilarmiu nualluummik A-mik tunillanneqarsimasoq ajorunnaareerpoq. Peqqinnissakkut nakkutilliisup neriuutigaa nualluummut akiuussutissamik kapitittussat ukiortaartinnagu tamakkerneqarsimassasut.

Tasiilami niviarsiaraq nualluummik A-mik tunillanneqarsimasoq ajorunnaarpoq. Peqqissutsikkut nakkuttilliisup Flemming Kleist Stenzip neriuutigaa, nualluummut akiuussutissamik kapitittussat ukiortaartinnagu tamakkerneqarsimassasut.

Niviarsiaraq Kalaallit Nunaanni siullersaalluni nualluut A-mik tunillatsissimasoq pingasunngornermi oqaatigineqarpoq. Niviarsiararli ajorunnaareersimasoq knr. gl allappoq.

Kalaallit Nunaannut nualluummut A-mut akiussutissat siulliit 32.000-t apuutereerput sinerissamullu atorfissaqartitsisunut siammareerlutik.

Flemming Kleist Stenz neriuppoq januaarip aallaqqaataa 2010 nallertinnagu akiuussutissamik kapuuinerit naammasseriissasut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER