Skip to main content

Nuummi qinngasaaruttarneq sakkortooq

Meeqqat angisuut akornanni qinngasaaruttarneq sakkortusiartorsimaqaaq. Taamaakkamilu atuutsikkunnaarniarnera ajornartorujussuulluni, Nuummi atuarfiit ilaasa pisortaa oqarpoq.

Nuummi atuartut anginerit akornanni qinngasaarunneq sakkortoqaaq, amerlaneritigut atuaqatigiit akornanni pingasut sisamalluunniit inummut ataatsimut qinngasaarisarput. Akuttunngitsumik qinngasaarineq ingerlaannartarpoq naak qinngasaartittoq artorsaateqarluni inuttut nakkaqqalereeraluartoq.

Atuarfiup pisortaa Karno Lynge, Ukaliusaq oqarpoq qinngasaarisartut unitsinnissaat ajornarsiartuinnartoq.

– Siornatigut qinngasaarisut ataasiarlugit oqaloqatigigaanngatsigit unittaraluarput. Maannakkut atuaqatigiiaat akornanni nukipparujussuit atortarpagut qinngasaarisunik qinngasaaritittunillu oqaloqatigiinnernut arlalinnut. Qinngasaarisartut akornanni amerlanerpaat paasitissinnaasarpagut, atuarfilli qimakkaanngamikku aallarteqqittarput pissutigalugu qinngasaarisartumut ataatsimut oqaaqqissaarutigut isertinneq sapertaratsigit, Karno Lynge sermersooq.gl naapertorlugu oqarpoq.

Qinngasaarineq ima sakkortutigisarpoq qinngasaarneqartoq sapiliivittarluni. Qinngasaarisartut amerlanerpaat ajornartorsiorfiusumik meeraasarput angerlarsimaffinnit ajornartorsiorfiusuneerlutik. Ataasiakkaatigut meeqqat atuarfimmi ilikkagassatigut ajornartorsiuteqartarput inoqataanermikkut akuliulluartuusimagaluarlutik.

Atuarfiup pisortaata nuannaarutigaa meeqqeriviit atuartullu mikinerit suli qinngasaarinermik aallartitsivinngitsut aallartiffigalugit suliniartoqalermat.

Line Dalentoft peqqinnissamik pinaveersartitsinermilu Kommuneqarfik Sermersuumi immikkoortortami pisortaq, meeqqanik paaqqinnittarfimmik atuarfimmillu Danmarkimi pulaarpoq, suliniut Fri for Mobning Mary Fondenip aallartitaa aqqutigalugu Danmarkimi susassaqartut peqatigalugit suliniaqataasut paasisassarsiorfigalugit.

– Isiinnarlunga malugisinnaavara maani meeraqartoq imminnut pitsaasumik pinissap qanoq pingaartigineranik paasinnissimasunik, Line Dalentoft oqarpoq.

Kommuneqarfik Sermersuup naatsorsuutigaa Fri for Mobning (qinngasaaruttoqanngilaq aaq.) suliniut kommunip atuarfiini ulluuneranilu paaqqinnittarfinni 2010 aallarnerneqarumaartoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER