Skip to main content

Imigassamik atuineq suli annikilliartorpoq

Imigassamik atuineq ukiut 20-t ingerlaneranni affaannanngorpoq. Ukiut 20 matuma siorna agguaqatigiissillugu inuup ataatsip ukiumut 22 liiteri imigassaq akoqanngitsoq imertarpaa, ukioq manna 10,55 literi.

Kalaallit Nunaanni imigassamik atuinerup kisitsisai kingulliit naapertorlugit, nunarput Danmark ajugaavoq. Nunat avannarliit imigassamik atuinerup ukiut 20-t ingerlaneranni affaannanngornera tupaallaatigaat.

– Nunani Avannarlerneersut aanngajarnartut pillugit isumasioqatigiinneranni, Ålandimi aggustimi pisumi, nunarput immikkut maluginiarneqarpoq, imigassamik aalakoornartulimmik atuineq apparaluttuinarmat, Kommuneqarfik Sermersuumi peqqinnissamut pinaveersaartitsinermullu fagchefi, Line Dalentoft kommuneqarfiup nittartagaani oqaluttuarpoq.

Imigassaq aalakoornartulik najoqqagaq ukiut 20 matuma siorna 22 literiusoq, 2008-mi 10,55 literiinnanngorpoq. Atuineq ukiut tamaasa apparaluttuinnartoq, 2008-mi eqqussuinermik kisitsisit ersersippaat. Immiaaqqat, viinit imigassallu eqqussanik kisitsinermi, naalungiarsunniit utoqqarnut imigassamik akoqanngitsumik atuitinneqartarput.

Danmarkimi nunaqartut Kalaallit Nunaanni najugaqartunut naleqqiullutik imigassamik maanna atuinerusut, anngajaarnartut pillugit isumasioqatigiittut Nunani avannarlerneersut paasivaat.

Nunat Avannarlermiut allat nunatsini pisortat nersualaarpaat, imigassamut aalajangersumik politikkeqarmata, taama atuinermik appartitsitigisinnaasumik.

– Iluatsititsilluarneq pinaveersaartitsiuarnermik pissuteqarpoq, soorluttaaq imigassamik atornerluineq ammasumik eqqartorneqartalersimasoq, Line Dalentoft Kommuneqarfik Sermersuup nittartagaanni allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER