Skip to main content

Danskisut immikkut atuartinneqarput

Atuartut Narsameersut immikkut itisilikkamik danskisut ilinniartinneqarput paarlaaqatigiinnermut atatillugu Danmarkimiikkamik.

Qulisaannik Gladsaxemit 7. klassit Narsallu atuarfiannit 8.klassini atuartut paarlaaqatigiinnerat ingerlanneqarpoq.

Siunertat ilagaat atuartut kalaallit danskit oqaasiinnik atuinerat nukittorsarneqassasoq. Paarlaaqatigiinnermi kalaaliaqqat immikkut sakkortusisamik danskit oqaasiinik Bagsværdimi atuarfimmi ilinniartinneqarnerat nutaaliorneruvoq, ilinniartitsinermi Kalaallit Illuutaannit peqatasoqartoq, gladsaxebladet.dk allappoq.

Paarlaaqatigiinnermi sapaatit akunnerinik tallimat sinnerlugit sivisussusilimmi, kalaaliaqqat Gladsaxemi ilaqutariinni najugaqarnermi saniatigut allanik misigisassarsiortillugit, Tivoli, Planetaria, Lalandia aammalu uumasuusivissuaq takornariarneqarput.

Paarlaaqatigiinneq aappaagu aprilimi naammassineqassaaq Gladsaxemi atuartut Narsamut tikeraassammata. Taamanikkussaru ulluni 14-ini tammaarsimaassapput.

Pingasunngornermi Narsamit atuartut borgmester Karin Søjberg Holst naapippaat, taanna oqalugiarpoq tikeraanut taakkulu najugaqarfiinut tunissuteqarluni. Tikeraartullit Gladsaxe Kommunemi atuarfiinit qulineersuupput.

Atuartut tamarmik borgmesteri ilagalugu rådhusip majuartarfiini assilisipput. Kingorna rådhushallimilu tikeraat sutugassinneqarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER