Skip to main content

Kalaallit meerartaat sumiginnakkat FN-ip ikiorniarpai

Kalaallit Nunaanni meerarpassuit peroriartornerminni atugarliorput, maannali FN-ip meeqqanut suliniaqatigiiffia kalaallit oqartussaasut suleqatigalugit ikiuunnialerpoq.

Kalaallit Nunaata FN-illu meeqqanut suliniaqatigiiffia Unicef meeqqat atugarliortut ikiorniarlugit suleqatigiinnertik annertusarpaat. FN-ip aallartitai Kalaallit Nunaanneeqqammerput, qaammatinilu aggersuni meeqqanut suliniutissat saqqummiunneqassapput.

Unicef-ip pisortaa Philip O´Brian oqarpoq Unicef-ip iisimagaa Kalaallit Nunaanni meeqqat ilaat ajornartorsiuteqarlutik peroriartortartut, atugarissaarnissaminnik ulorianartorsiortitsisumik.

– Aammattaarli nalunngilarput ajornartorsiutit iliuuseqarfiginissaannut Kalaallit Nunaanni piumassuseqartoqartoq meeqqallu tamakkua annertuumik iliuuseqarfiginiarneqalereersut, taanna tusagassiorfinnut allakkamini allappoq.

FN-ip aallartitaasa qanittukkut namminersorlutik oqartussat isumaginninnermut naalakkersuisoqarfiat ataatsimeeqatigaat.

– Nuannaarutigaara nunani tamalaani kattuffeqarmat misilittagaannik iluaqutissarsiffigisinnaasatsinnik. Namminersorlutik Oqartussat kattuffiillu ataatsimut suliniuteqarnerisigut Kalaallit Nunaanni meeqqanik sullissineq nukittorsarneqarpoq, Maliina Abelsen, namminersorlutik oqartussaneersoq oqarpoq.

Ukiup aallartinnerani misissuinerup takutippaa kalaallit meerartaasa pingajorarterutaat atugarliortut, arfineq-marlorarterutaallu ilaqutariinni sumiginnagaasut. Ilarpassuit kaallutik innartarput.

Qallunaallu politikeriisa kalaalllit politikerii isornartorsiorpaat ilaatigut meeqqat kaattut ikiornissaannut annikippallaamik iliuuseqarnerarlugit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER