Innarluutillit qittattut
Innarluutilinnut sapaatip akunneqartitsineq naggaserlugu Nuummi Katersortarfik ornigarneqarpoq.
Annonse
Sapaatit akunnerat 41 ukiut tamaasa innarluutillit immikkut sammineqarnissaannut atorneqartartoq tallimanngormat naggaserlugu Nuummi katersortarfimmi ualikkut qittattoqarpoq. Katersortarfik iserlugu inunnguinuku qiimasut.
– Ataasinngornermi ullaakkorsioqatigiilluta sapaatip akunnera aallarnerparput, marlunngornermi pitsorluttut ajaapiaqartariaqartullu ilagalugit ungasissumut pisuppugut, pingasunngornermi kommunip qullersaqarfiata silataannit akerliussutsimik takutitsilluta inatsisartoqarfiup tungaanut ingerlaaqatigiippugut. Sisamanngornermi oqallippugut tallimanngornermilu sapaatip akunnera naggaserlugu qittappugut.
– Isumaqarpunga tusaaniarneqartugut, Nuummi Innarluutillit Peqatigiiffiata siulittaasua Judithe Steenholdt oqarpoq.