Skip to main content

Sisimiuni eqqakkat misissorpaat

Danmarks tekniske universitetimi ilinniartut aamma issittumi teknikkikkut paasisimasat pillugit ilinniarfiup Kalaallit Nunaanni eqqakkat pitsaanerusumik suliarineqarsinnaanersut misissorpaat.

Kaffinut nakkartitsivikut qillertuusakullu Sisimiuni immikkoortiterneqartarput suliallu maajunnalaartup siunertaa paasiniassallugu qanoq isilluni eqqakkanik suliaqartarneq pitsanngorsarneqarsinnaanersoq.

Suliamik akisussaavoq civilinginiør ph.d.-imik ilinniartoq Rasmus Eisted DTU-meersoq. Taanna ulluinnarni DTU Miljømut attuumassuteqarpoq ARTEK-ip Issittumi teknikkikkut paasisimasat pillugit Ilinniarfiup Sisimiuniittup ataani sulilluni.

Aatsaat taama eqqaatigaagut. Imalu eqqagaqartigaaq Sisimiuni ikuallaaviup isumagisinnaasai sinnerlugit eqqaasoqartarluni, videnskab.dk allappoq.

– Avatangiiseq sumiluunniit isiginiarneqartorujussuuvoq pingaartumillu issittumi. Eqqakkanik isumaginninnerit nalinginnaat Kalaallit Nunaanni ilisimaneqarlutillu atorneqarput, taamaattoq nuna tamaat isigalugu eqqagassalerineq aalajangersimasoq suli atorneqanngilaq, soorlu Danmarkimi taamaattoqartoq. Uanga suliassaraara maanna eqqakkanik suliaqariaaseq allaaserissallugu siunnersuuteqarlungalu qanoq isilluni eqqakkat pitsaanerpaamik akilersinnaasumillu atorneqarsinnaanersut Namminersorlutik Oqartussat aammalu kommunerujussuarnut iluaqqutaasunngorlugit, Rasmus Eisted oqarpoq.

Pappialarsuit pappialallu angerlarsimaffinniit eqqakkat 3 aamma 8 procenteraat, taakkulu immikkut soqutigalugit isiginiarpagut. Atoqqitassat aningaasartaqarput; pappialarsuit pappiaqqallu ilaatigut illoqarfimmi ussissaatiliaralugit suliarineqarsinnaapput.

– Maannakkulli siusippallaarpoq inerniliussanik taasaqassalluni, Rasmus Eisted naqissusiivoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER