Skip to main content

Timmisartoq ajornartoorluni sermersuarmut mippoq

Timmisartoq sarpilik Kangerlussuarmut suli apuunnani orsueruttoorpoq.

Amerikarmiut timmisartuaraat Piaggio P180 tallimanngormat Kangerlussuup eqqaani ajornartoorluni mippoq. Ajornartoorluni minnermut pissutaavoq timmisartup orsueruttoornera.

Taamatut paasissutissivoq tusagassiisartoq Jan Eliassen, angallannermut ministereqarfiup ataani silaannakkut angallermi nakkutilliivimmit Naviarimeersoq.

- Timmisartoq Islandimit Narsarsualiarsimavoq. Taqqavanili silarlummat timmisartoq Kangerlussuarmut ingerlaqqiinnartariaqarsimavoq. Sermersuulli qulaaniilluni orsueruttoorpoq, Kangerlussuarmit 60 sømilinik ungasitsigisumi, Jan Eliassen nassuiaavoq.

Timmisartoq ajornartoorluni meriiginnavissoq Kangerlussuarmut helikopterimik aallartitsisoqarpoq.

- Timmisartup aquttua ajoqusilaarsimavoq namminerli timmisartumit anisinnaasimalluni. Akerlianik paasisavut malillugit timmisartuaraq ajoqusingaatsiarsimavoq, Jana Eliassen oqarpoq.

Pisimasumut atatillugu ajutoornerit pillugit ataatsimiititaliaq paasissutissanik katersuivoq, tamatumalu kingorna qanoq pisoqassanersoq isummerfigissallugu, timmisartukkut ajutoorneq pillugu inspektør Jørn Asmussen, ajutoornermit pillugit ataatsimiititaliameersoq paasissutissiivoq.

Sermitsiaq.gl-imi pisimasoq arfininngormat allaaserigatsigu allappugut timmisartuaraq Kangerlussuarmi ajutoorsimasoq, pisimasulli qanoq pisimaneranik paatsuuinermik tamanna pissusteqarpoq. Tamanna ajuusaarutigaarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER