Skip to main content

Grønlandsbankip, Mybankerip misissuinera tunuartippaa

Mybankerip misissuinerani Nanok konto ilaasimasuuguni erniaqarnerpaatut inississagaluarpoq, katillugit 70.500 koruunit missaannik konto imaqarluni, Grønlandsbanki nalunaaruteqarpoq.

- Mybanker tutsuiginarnerusumik misissuisimasuuppat, Grønlandsbankimit Nanok konto misissuinermi peqataatinneqassagaluarpoq. Taamaattoqarsimasuuppat qularutissaanngilaq Grønlandsbanki pitsaanerpaatut inississagaluarpoq.

Grønlandsbankip nalunaarnera Mybankerip meeqqanut ileqqaakkanit mississuinerata saqqummiusaanut qisuariarneruvoq. Misissuinerup takutippaa Grønlandsbanki meeqqanut ileqqaakkanit ernialiussaat minnerpaasoq, meeqqat ileqqaarfii 193-t akiisa imminnut assersuunneranni. Internettimi isaaviup MyBanker.dk-ip misissugaraa tjek.dk-imit suliakkinneqarluni.

Grønlandsbanki allappoq, Mybankerip kisitseriaasia atorlugu Nanok kontomik ileqqaakkat erniaallu kisinneqartuuppata, taava GrønlandsBANKEN pitsaanerpaatut inississagaluartoq, katillugit 70.500 koruunit missaannik konto imaqarluni.

- Mybankerip maluginngitsoorsimavaa GrønlandsBANKEN Kalaallit Nunaanni angerlarsimaffeqarmat, taamalu sullitaminut neqeroorutatai danskit inatsisaanni ilaanngitsut, aammalu Danmarkimi "Børneopsparing-itut" ilisimaneqartoq Kalaallit Nunaanni sullitanut neqeroorutaanngitsoq.

Paasissutissat:

Nanoq konto periarfissaavoq ileqqaakkaat illumut, inuussutissarsiornermut imaluunniit ilinniarnissamut atussagukkit iluaqutaasumik erniaalersugaq.

Inissiamik attartornissamut qularnaveeqqutit imaluunniit siumut akiliutissanut (amerlanerpaamilli qaammatini 3-ni ineqarnermut akiliutit). Allamik initaarnermut atatillugu iggavimmi uffarfimmillu maskiinanik atortussanik, pequtinik natersuarnik pisinermut (pinnagit TV/Radio)

Kalaallit Nunaanni namminersorluni suliffeqarfimmi pilersitsissagaanni, namminerisamik pigisatut isumalluutitut pigisat 40.000 kr. sinnersimappatigit (namminerisamik biilerisat ilanngunnagit) Kalaallit Nunaanni inuussutissarsiornikkut suliffeqarfinni piginneqatigiissutinik aktianik aamma anpartinik pisinernut.

Kalaallit Nunaanni imaluunniit nunani allani ilinniarnermut. Ilinniarnermi eqqarsaatigineqarput ”ilinniarnerit” meqqaat atuarfiata avataaniittut kingornaniittullu, sivikinnerpaamik ukiumik ataatsimik sivisussuseqartussatut naatsorsuutigisaasut. Tassani apeqqutaanngilaq ilinniartoq ilinniagaqarneriuteqarnersoq, ilinniarnermini akissarsisarnersoq

Erniaat

Ileqqaakkat ukiumut erniaalersorneqartarput tunngaviusumik nikerartumik erniaaqartitsinikkut. Ileqqaakkat inatsisitigut aalajangersakkani siunertat arlaannut atorukkit erniaanut akigititaq akileraaruteqanngitsoq 4 % pissarsiarissavat kiisalu Kalaallit Nunaanni Namminersorlutik Oqartussanit erniaanut tapiissutigineqartut akileraaruteqanngitsut 4 %-iusut.

Najoqqutaq:

www.banken.gl.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER